Cervo, 5 de xuño, 2026. O Tribunal Superior de Xustiza de Galicia (TSXG) vén de confirmar que o Concello de Cervo actuou conforme á legalidade no proceso de reorganización do Grupo de Emerxencias Supramunicipal (GES). A sentenza desestima na súa totalidade o recurso presentado por representantes da sección sindical da CNT e ratifica o fallo previo do Xulgado do Social número 3 de Lugo.
A sentenza desmonta as acusacións e avala a legalidade do proceso
O alto tribunal conclúe que a decisión municipal estivo sustentada en causas organizativas reais, derivadas da finalización do convenio que regulaba o funcionamento do GES. O TSXG considera acreditado que existía unha motivación suficiente para adoptar unha modificación substancial das condicións de traballo.
Ademais, a resolución rexeita expresamente todas as alegacións relativas á suposta vulneración de dereitos fundamentais. O tribunal descarta que existise represalia algunha contra os traballadores ou contra a actividade sindical da CNT, e afirma que as medidas adoptadas responderon a criterios obxectivos, razoables e plenamente xustificados.
O TSXG tamén avala o proceso de negociación
A sentenza subliña que durante o período de consultas se produciu un auténtico intercambio de propostas, con respostas fundamentadas por parte da Administración local. Non aprecia mala fe negociadora nin vulneración da liberdade sindical, e conclúe que o procedemento seguido se axustou ao marco legal vixente.
Declaracións da alcaldesa: “Actuamos con responsabilidade e transparencia”
A alcaldesa de Cervo, Dolores García Caramés, valorou moi positivamente o fallo e destacou que “esta resolución confirma o que defendemos desde o primeiro día: que o Concello actuou con responsabilidade, con transparencia e dentro da legalidade”.
A rexedora lembrou que o Goberno local trasladou desde o inicio as súas demandas á Deputación de Lugo, administración competente en materia de emerxencias e extinción de incendios. “Ante a falta de solucións, o Concello actuou con responsabilidade, e agora a xustiza confirma que aquela decisión estaba plenamente xustificada”, engadiu.
Un novo respaldo xudicial ao Concello de Cervo
García Caramés concluíu sinalando que esta nova sentenza “reforza a posición mantida polo Concello durante todo o proceso e confirma que sempre actuamos defendendo o interese xeral, a seguridade dos profesionais e a continuidade dun servizo esencial para a cidadanía”.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
