Nos últimos meses, os concelleiros e concelleiras da oposición en Viveiro vimos observando unha forma de dirixir os plenos municipais que nos preocupa profundamente porque afecta á calidade do debate democrático.
Non se trata de cuestionar as facultades da Alcaldía nin o seu dereito a pechar os debates. O problema está no uso que se está facendo desa atribución.
Cada vez é máis habitual que o grupo de goberno apenas participe no debate dos asuntos durante os turnos ordinarios de intervención. Os grupos da oposición expoñemos as nosas posicións, defendemos as nosas propostas e formulamos as nosas críticas. Porén, cando todos os grupos rematamos de falar, a alcaldesa utiliza o peche do debate para realizar longas intervencións políticas nas que responde aos argumentos da oposición, realiza valoracións e, en ocasións, formula afirmacións coas que non estamos para nada de acordo.
O problema é que nese momento xa non existe posibilidade de réplica.
Así, o que debería ser un debate convértese nun monólogo final no que unha parte fala e as demais teñen que limitarse a escoitar. E a situación resulta aínda máis preocupante cando esas intervencións inclúen referencias directas a concelleiros ou grupos da oposición. Nestes casos, cando se solicita a palabra por alusións para responder ou aclarar cuestións expostas pola propia alcaldesa, esa posibilidade non se concede.
Resulta difícil entender esta forma de actuar, totalmente autoritaria. Se os argumentos do goberno son sólidos, non debería existir ningún inconveniente en defendelos durante o debate ordinario, cando os demais grupos tamén teñen a oportunidade de responder. A democracia non consiste en ter sempre a última palabra, senón en aceptar o contraste de opinións.
Os plenos municipais están gravados e poden consultarse libremente. Calquera veciño ou veciña pode comprobar que, independentemente das discrepancias políticas, durante anos existiu un debate máis aberto e unha maior disposición a escoitar as distintas posicións representadas na Corporación.
Quen formamos parte da oposición tamén representamos a centos de veciños e veciñas de Viveiro. A nosa función é fiscalizar, propoñer e defender alternativas. Para iso é imprescindible que exista un verdadeiro debate político e que se respecten os dereitos de todos os membros da Corporación.
Porque o Pleno municipal é o máximo órgano de representación democrática do Concello. E un Pleno non debería ser nunca un monólogo, como o está sendo.
María Loureiro García
Ex alcadesa de Viveiro e Portavoz Municipal do PSdG-PSOE
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
