Abadín, 5 de xuño, 2026. O PSdeG de Abadín denunciou no último Pleno a falta de transparencia do Goberno local do Partido Popular tras a adxudicación dun contrato municipal a unha empresa vinculada á contorna laboral da tenente de alcaldesa. O contrato, por importe de 16.419,94 euros, foi resolto por decreto de Alcaldía, sen pasar pola Xunta de Goberno Local.
Un contrato que “xera dúbidas”
O voceiro socialista, Pablo Díaz, explicou que o contrato menor para a “Dinamización do medio rural” foi adxudicado á empresa Ingeniería Insitu, S.L.U., cuxo administrador único é tamén administrador de Estudios Rafer, firma na que traballa como directora a tenente de alcaldesa, Begoña Gaute.
“Estamos diante dunha contratación que cheira mal”, afirmou Díaz, quen criticou que o alcalde se limitase a repetir que o procedemento se axustou á legalidade, sen ofrecer explicacións nin documentación que disipase as dúbidas.
Segundo o PSdeG, non se solicitou ningún informe específico sobre un posible conflito de intereses, a tenente de alcaldesa non se abstivo formalmente e o contrato non pasou polo órgano colexiado, senón que se resolveu directamente por decreto.
O PSdeG reclama garantías e transparencia
Díaz lembrou que o propio alcalde recoñeceu que non pediu informe á Secretaría municipal sobre posibles incompatibilidades ao considerar que “non existían indicios”. Para o PSdeG, esta resposta é “insuficiente” e compromete a confianza da veciñanza na xestión municipal.
“Cando existe unha relación laboral entre unha concelleira e unha empresa vinculada á adxudicataria, o mínimo é extremar as garantías e actuar con absoluta transparencia”, sinalou o voceiro socialista.
Preguntas sobre as plantas de biometano
No mesmo Pleno, o Grupo Municipal Socialista trasladou as preguntas elaboradas pola plataforma StopBiogás Abadín sobre o proxecto das plantas de biometano. Segundo Díaz, o alcalde só respondeu dúas, malia ter acusado ao PSdeG no anterior Pleno extraordinario de “xerar alarma sen datos”.
O voceiro socialista agradeceu o traballo da plataforma e insistiu en que “os veciños merecen respostas, non silencios”, especialmente nun proxecto con impacto ambiental, social e económico.
Tamén criticou a negativa do Goberno local a permitir unha mesa informativa sobre o proxecto, o que considera outra mostra da falta de vontade do PP para facilitar información.
Procesos selectivos sen resolver
O PSdeG preguntou ademais pola praza de conserxe, convocada en 2023 e aínda sen resolver. O alcalde confirmou que a acta do proceso selectivo continúa pendente.
Rogos sobre accesibilidade e transparencia
O grupo socialista presentou dous rogos para:
– Mellorar a accesibilidade no pavillón do colexio de Moncelos e en varias zonas do casco urbano
– Garantir máis transparencia e publicidade nos procesos selectivos municipais, incluídas as brigadas de incendios
“O que pedimos é moi simple: explicacións, documentación e respecto pola veciñanza. Abadín non merece un Goberno que responda con evasivas”, concluíu Pablo Díaz.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
