Viveiro, 9 de xullo de 2025. “O vaso pequeno da Piscina Municipal xa está operativo tras unha actuación impuldada polo anterior goberno municipal presidio por María Loureiro, despois de rematarse a instalación da desumectadora, un proxecto impulsado polo anterior executivo a traves do Plan Deputación de Lugo por un importe de 40.000 €”, explican os socialistas.
“A actuación sufriu demoras debido a que a empresa adxudicataria resultou afectada pola DANA de Valencia tendo que reestructurar o seus prazos de execución. A pesar diso, a obra quedou completamente executada grazas a planificación e tramitacións realizadas polo anterior goberno municipal”, engaden.
“Este non foi un feito illado. A piscina Muncipal atópase en proceso de transformación grazas a distintas xestións deixadas en marcha antes da moción de censura. Entre elas destaca tamén a renovación integral dos aparatos do ximnasio„ actualmente en proceso de licitación. Unha actuación financiada cun convenio de 50.000 euros, asinado por María Loureiro como Alcaldesa e o Presidente da Deputación a través dun convenio extraordinario para a promoción do deporte e instalacións deportivas”.
“Estas actuacións amosan que o anterior goberno municipal traballaba con planificación en compromiso cós veciños e veciñas. Un Traballo sério que, malia as críticas infudadas do Partido Popular e o seu principal apoio de Por Viveiro, agora se está materializando. Resulta evidente que os tempos da administración son os que son, e que as cousas non se executan da noite para a mañá”, apuntan.
“Unha ver máis queda demostrado que o actual goberno do Partido Popular vive da inercia e do traballo realizado polo anterior executivo encabezado por María Loureiro. A súa estratexia de desprestixio non se sostén fronte á realidade: os feitos falan por si mesmos”, conclúen.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
