Viveiro, 14 de maio de 2019. O Concello de Viveiro deseñou unha programación mensual para celebrar o Día das Letras Galegas, con actividades dirixidas a todos aos públicos e, en especial, ao público infantil, entendendo que é fundamental fomentar a cultura entre os máis pequenos.
A primeira das actividades previstas tivo lugar o pasado 9 de maio no Teatro Pastor Díaz, ao que acudiron escolares de 5º e 6º de todos os centros educativos de Viveiro para festexar con Xoán Curiel “canta, miña pedra, canta” a figura de Antón Fraguas. Esta actividade foi coorganizada polas concellarías de cultura e educación e patrocinada pola Deputación de Lugo e Galaxia.
O sábado, 11 de maio, na Biblioteca Municipal houbo unha sesión de contacontos titulada “As lendas de Antón Fraguas”, con Pedro Brandariz, tamén dirixido ao público infantil e que foi organizada co obxectivo de difundir a vida e obra de Antón Fragúas entre os máis pequenos.
O vindeiro venres, Día das Letras Galegas, ás 12:00 horas, na Praza Maior, terá lugar unha actuación do grupo de danzas e do grupo de gaitas de Bágoas da Terra e ás 13:00 horas, na Praza da Fontenova, o actividade “Música e Letras”, cun concerto da coral Alborada de Viveiro e a participación da libraría Porta da Vila.
O venres 24 de maio, na sala multiusos da casa do concello, de 17:30 a 19:30, celebrarase un obradoiro artístico para nenos e nenas a partir de 5 anos. Esta actividade é gratuíta, sendo preciso reservar praza co teléfono 654208333.
O venres 31 de maio colocarase na Biblioteca Municipal un vinilo conmemorativo desta celebración e ao día seguinte, 1 de xuño, terá a última das actividades programadas con motivo desta data, tamén na biblioteca municipal; será ás 12:00 horas, da man de Raquel Queizás, cunha sesión de contos titulada “Raposadas, con Antón Fraguas”. A entrada será de balde ata completar aforo e as entradas (2 por adulto) comezarán a entregarse na biblioteca dous días antes.
Letras Galegas 2019 no Concello de Viveiro
Relacionado
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
