Burela, a 7 de outubro de 2019.- Os socios preferentes para formar goberno en Burela –PSOE e BNG- escenifican estes días unha “oportuna” lea, previa ás votacións de novembro, a conta do deporte base. A problemática xurdida entre os socialistas e os nacionalistas aparece pola dificultade para asignar horarios razoables para que tódalas escolas deportivas da vila teñan forma de adestrar nas instalacións locais.
Á conta disto, dende a corporación socialista en funcións afirman que sempre hai problemas, pero que desde o Concello non poñen os horarios. “Se sempre hai problemas”, os populares pregúntanse “qué fixeron nestes últimos catro anos” e “por qué non se puxo en marcha ningún tipo de iniciativa para tentar resolvelos”.
Ademais, o feito de que o Concello non poña os horarios “evidencia a incapacidade do Sr. Fernández Rey, concelleiro delegado de deportes, de coordinar esta función”. Nese caso, preguntan dende o PP de Burela “a quen delega esa responsabilidade” ou “se a está a externalizar”.
“Toda esta falta de previsión e de coordinación non é nova nas filas socialistas”, defenden os populares de Burela. “Hai que lembrar, sen ir máis lonxe, os problemas que tivo a Sra. Ben Vázquez coa ludoteca este verán”.
Dende as filas populares non cabe asombro ningún a estas alturas pois este é parte do “fabuloso” equipo de “goberno” do que dispón o Sr. Llano, “moi en sintonía co propio alcalde en funcións”, consideran.
Dende o PP xa se anticipou esta situación
Os edís do PP de Burela xa vían vir esta situación antes das eleccións locais. De feito, no seu programa xa se adiantaba unha resolución para esta continxencia. Concretamente, propoñían “o acondicionamento dun novo recinto para solucionar os problemas de ocupación dos pavillóns municipais e, a maiores, tramitar a posta en marcha da adecuación das instalacións deportivas do Concello para a celebración de calquera acontecemento deportivo”.
O PP lamenta que “os socios preferentes para formar goberno en Burela escenifiquen unha lea pola escaseza de instalacións municipais para acoller o deporte base”
Relacionado
-
O PP advirte que “o cambio de postura do BNG a non valorar a moción de censura en Vilalba responde a intereses partidistas”
-
UCIN Galicia alerta dun “golpe histórico” ao sector lácteo e reclama medidas urxentes para protexer ás ganderías
-
Goberno e Concello de Vilalba preparan o plan de seguridade para o FIV 2026
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
