Burela, 28 de novembro de 2019. O alcalde, Alfredo Llano, fai un balance moi positivo da participación da Fundación Expomar na feira do mesmo nome que estes días se celebrou en Cabo Verde. O rexedor lembrou que alí operan moitos armadores de Burela. O presidente da Fundación Expomar tamén subliñou que os días 12 e 13 de decembro se celebrará na localidade o I Congreso Nacional de Artes de Pesca, cuxo programa está practicamente pechado.
Alfredo Llano contou que “a Fundación Expomar é consciente de que debe estar en todos aqueles lugares onde teñamos nosoutros representación, por exemplo en Cabo Verde onde operan moitos dos nosos armadores, e polo tanto debéramos estar aí. É un sector que queremos impulsar a través de Expomar, queremos estar con eles, e aí estivemos facendo os trámites que son convenientes para dar coñecer o que é a pesca aquí na nosa terra, na comarca da Mariña, o que son as innovacións náutico pesqueiras que están ofrecendo estas feiras, ademais que a nosa Feira Expomar, que se celebra en Burela cada dous anos, é un referente clarísimo en Cabo Verde e ata lle puxeron o mesmo nome”.
O alcalde e presidente da Fudación Expomar engadiu que “se fixeron transaccións, se falou da pesca, do negocio, de tecnoloxía, e todo iso sempre é moi positivo para o sector, e desde logo nosoutros penso que tivemos unha presenza, de acordo tamén cun programa onde colaborou a Xunta de Galicia, a través da Consellería do Mar, e tamén houbo armadores nosos alí, que estiveron compartindo espazo. Tiveron a visita do Presidente de Cabo Verde e varios ministros, ou sexa que houbo relacións importantes e de alto nivel, que creo que vai ser moi positivo para futuros encontros e acordos con Cabo Verde”.
Ata Cabo Verde se desprazou estes días o xerente da Fundación Expomar, José Manuel González.
Congreso Nacional de Artes de Pesca
Alfredo Llano salientou que “agora mesmo estamos xa definindo e concretando o programa do I Congreso Nacional de Artes de Pesca que se vai celebrar aquí, derivado do programa que estamos a levar a cabo, a través da Fundación Expomar, que é o Centro de Coñecemento e Patrimonio Cultural Pesqueiro, no que destaca ese congreso en Burela os días 12 e 13 de decembro. Expomar está facendo o traballo que lle corresponde que, segundo os seus propios estatutos, é axudar a consolidar un futuro moi prometedor para o sector náutico pesqueiro. Así que estamos, tanto en Cabo Verde como aquí en Burela, dando os pasos fundamentais para que iso sexa así”.
Alfredo Llano fai un balance moi positivo da participación da Fundación Expomar na feira celebrada estes días en Cabo Verde
Relacionado
-
María Teresa Díaz Sanjurjo, veciña de Castropol, gañou un dos premios da campaña da Volta ao Cole de Acisa Ribadeo
-
Mulleres inmigrantes de Foz completan con éxito os cursos de caixeira/repoñedora e camareira de pisos
-
Dobre recoñecemento internacional para Adega Don Pedro Leivas de Riotorto no Salón Internacional de les Sidres de Gala
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
