A asociación de veciños O Castro de Foz propón que os baños publico dos paseos marítimos estean dispoñibles e teñan un horario apertura.
O Castro pide “a rápida solución desta situación, xa que produce unha gran incomodidade” e recorda que “na zona que vai desde o final da praia da Rapadoira en diante ó longo de todo o paseo marítimo” nin sequera existe esa posibilidade.
Comunicado
A Asociación de Veciños “O Castro” de Foz amosa a súa alegría polas bandeiras azuis conseguidas e reclama baños públicos en funcionamento no porto, na Ribeira e no paseo marítimo dispoñibles todo o ano
A Asociación de Veciños “O Castro” de Foz traslada ó Concello a súa máis sincera noraboa polas cinco bandeiras azuis conseguidas para as nosas praias. Esta felicitación vai dirixida ó Concello non só como órgano de goberno senón tamén como conxunto da cidadanía, xa que sen o traballo de todos non tería sido posible revalidar un ano máis a gran calidade dos nosos areais. Pero non todo é alegría, xa que a Asociación lamenta a perda do galardón na praia a Pampillosa de Fazouro e anima a todos os habitantes e visitantes do pobo así como ós seus gobernantes a unir esforzos de cara o ano que vén para poder lucir esta enseña en máis praias.
En relación coas praias e os paseos marítimos de Foz, a Asociación de Veciños “O Castro” de Foz quere poñer de manifesto a situación que se produce ó longo de toda a costa pola ausencia de baños públicos ben porque estes se atopan pechados e unicamente se abren durante a época estival e algún que outro fin de semana (é o caso dos que se atopan ó longo do paseo marítimo entre a Rapadoira e Llas) ou ben porque son de todo inexistentes (o que ocorre na zona do porto pesqueiro e na zona da Ribeira). Desde a Asociación solicitamos a rápida solución desta situación, xa que produce unha gran incomodidade para as persoas que desexan disfrutar de tan agradables paseos pois vense obrigados a facer gasto nalgún dos locais de hostalería existentes para satisfacer as súas necesidades fisiolóxicas, pero isto no mellor dos casos, xa que na zona que vai desde o final da praia da Rapadoira en diante ó longo de todo o paseo marítimo nin sequera existe esa posibilidade. Desde a Asociación proponse que os baños públicos do paseo marítimo teñan un horario de apertura (comprendemos que non poden nin deben estar abertos as vintecatro horas e que se necesita alguén que vixíe) e que se busque unha solución para a zona do porto e A Ribeira.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
