Responsables do PP asegurar que o goberno galego paralizou a iniciativa para a creación de un “polígono supramunicipal” nas inmediacións de Alcoa en terreos do concello de Cervo e Xove.
Os populares indican que o polígono estaba comprometido polo anterior goberno da Xunta dentro do Plan Galicia e que contaba cun orzamento inicial de 1,5 millóns de euros.
Nota de Prensa
A PARALIZACIÓN DO POLÍGONO SUPRAMUNICIPAL DE ALCOA ESTÁ A OCASIONAR UN GRAVE PERXUIZO ECONÓMICO Á MARIÑA, SEGUNDO O PARTIDO POPULAR
- Os populares lembran que éste era un proxecto comprometido polo anterior Goberno da Xunta e que contaba, de feito, cun orzamento inicial de 1,5 millóns de euros
Cervo, a 4 de xuño de 2008.- A paralización dalgúns dos proxectos que o anterior Goberno da Xunta de Galicia tiña comprometidos para o municipio de Cervo foi un dos asuntos analizados durante o encontro que os integrantes do Grupo municipal popular deste concello, que lidera Alfonso Villares, xunto con afiliados e simpatizantes, mantiveron co Presidente provincial José Manuel Barreiro. Un encontro no que tamén participou o Secretario xeral da formación política e concelleiro en Cervo José Manuel Balseiro e a senadora María del Carmen Gueimunde.
Os populares entenden que a paralización por parte do Goberno que presidente Emilio Pérez Touriño dalgúns proxectos que estaban previsto executar en Cervo están a ocasionar un grave perxuizo a este municipio en particular e á Mariña en xeral. José Manuel Barreiro referiuse especialmente ó polígono supramunicipal que estaba previsto construir nas inmedicacións de Alcoa e que, entre outras cousas, permitiría aproveitar o importante pulo económico que ten esta empresa, así como rentabilizar as propias instalacións portuarias coas que conta.
Ademais, aínda que só ocuparía terreos ubicados nos municipios de Cervo e Xove, beneficiaría, segundo salientou Barreiro, pola súa céntrica ubicación ó conxunto da comarca Mariña.
Os populares indicaron que a paralización desta iniciativa “non ten ningún sentido nin hai ningunha razón que a xustifique”. Lembran neste senso que o proxecto, incluido no Plan Galicia, xa estaba redactado e tiña asignado ademais unha partida orzamentaria inicial de 1,5 millóns de euros.
Nunha situación parecida a ésta atópase o saneamento de San Cibrao que, segundo recalcan dende o PP, tamén quedou consignado por parte do Goberno de Manuel Fraga pero que “desgraciadamente e despois de case catro anos é un proxecto totalmente esquecido”.
Os integrantes do Partido Popular tamén analizaron a “curiosa” situación que se está a dar na Atalaia e insistiron en que se a relevancia dos restos arqueolóxicos encontrados na zona fainos merecedores de proteccións, a Xunta debería tomar cartas no asunto.
Lembraron de feito que, a proposta do deputado autonómico José Manuel Balseiro, xa se presentou no Parlamento galego unha iniciativa na que se insta á Consellería de Cultura a que adquira os terreos afectados para proceder á protección do xacemento.
O encontro mantido polos populares de Cervo co responsable provincial do partido enmárcase dentro do calendario de reunións que José Manuel Barreiro está a desenvolver por toda a provincia para coñecer de primeira man a situación na que se atopan cada un dos municipios e que actuacións están a levar a cabo as agrupacións locais.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
