Nota de Prensa
O deputado popular acusa ao departamento que dirixe o nacionalista Anxo Quintana de “vender fume e propaganda nas súas visitas á nosa comarca”
VICEPRESIDENCIA ELUDE COMPROMETERSE NO PARLAMENTO CON PRAZOS E INVESTIMENTOS PARA LEVAR A CABO CENTROS DE DÍA E RESIDENCIAS NA MARIÑA LUCENSE
o O director xeral de Acción Social da Xunta non responde ás preguntas do Grupo Popular que reclamaba coñecer ás previsión do Goberno galego.
o Balseiro Orol afirma que a Xunta non está a planificar axeitadamente a rede de centros de día e residencias nas que se debera estar a traballar na Mariña en aplicación da nova lei de Dependencia.
A Mariña, 02 de outubro de 2008.- A Vicepresidencia da Xunta de Galicia elude comprometerse no Parlamento con prazos e investimentos concretos para a construción e posta en marcha de centros de día e residencias da terceira idade na Mariña lucense. O director xeral de Acción Social Bieito Seara Formoso comparecía na mañá de hoxe, na comisión 5ª da Cámara autonómica a petición do deputado José Manuel Balseiro, do Partido Popular, co obxecto de que dera conta das previsións da Xunta de Galicia para dotar á nosa comarca destes servizos aos que dá dereito a lei de Dependencia.
Pese aos intentos de José Manuel Balseiro para que o comparecente explicara con exactitude os concellos beneficiarios, as datas e os investimentos previstos para crear estes centros de día e residencias na nosa comarca, o representante do Goberno galego non deu resposta a esta cuestión e limitouse a facer unha relación das dotacións nas que, a día de hoxe, está traballando a Vicepresidencia da Igualdade e do Benestar.
O parlamentario mariñán do Partido Popular acusa ao departamento que dirixe o nacionalista Anxo Quintana de “vender fume e propaganda nas súas visitas á nosa comarca” De feito dos 10 centros de día con 350 prazas que, segundo Quintana, tiñan previsto levarse a cabo na Mariña (os da Pontenova, Riotorto, Cervo, Burela, Viveiro, Ribadeo, Mondoñedo e Lourenzá) o director xeral da Acción Social só fixo mención a estes tres últimos. Ademáis, o Goberno galego non falou das residencia de Foz, Ribadeo, Viveiro e Mondoñedo.
FALTA DE PLANIFICACIÓN
Balseiro Orol acusa á Xunta de falta de planificación na rede de servizos sociais que na Mariña debera existir para atender de xeito prioritario ás persoas maiores e dependentes. “Con cada ano que pasa a mellora nas condicións de vida e os avances médicos contribúen á que a sociedade sexa máis lonxeva e na Xunta parecen non querer enterrarse”.
Como conclusión do bate transcorrido no día hoxe na Cámara autonómica o parlamentario mariñán afirma “Non podemos permitir que perdamos a oportunidade de achegar o benestar a aquelas persoas que, polas súas condicións persoais esixen todo o noso apoio.” De feito “non aceptamos que a lei de Dependencia quede en papel mollado. A Mariña tamén existe e, unha forma de ter en conta a esta comarca e contribuír a facer máis doado os esforzos que realizan aquelas familias nas que algún dos seus membros é unha persoa maior ou dependente”
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
