BARREIROS .- O voceiro do BNG, Antonio Veiga, cualifica de irrealizables os orzamentos municipais de Barreiros para 2008 que serán aprobados de xeito definitivo nun pleno previsto para mañá 7 de novembro. Por iso motivo esta formación presentou varias reclamacións que se analizarán nesa sesión plenaria. Veiga asegura que “se aprobarán practicamente rematando o ano 2008 tendo menos de dous meses para aplicalos e seguen envoltos en irregularidades e ilegalidades”. O edil nacionalista di que “si botamos unha ollada á liquidación de 2007 vemos que houbo un desfase de 700.000 euros. Naquel momento presentáronse uns presupostos de 3.400.000 euros e o único que foron capaces de cubrir foron 2.700.000 euros. Botando man do que nos propoñen de orzamento para este 2008 que son 3.151.000 euros e tendo en conta tanto o imposto de construción, instalacións e obras (que será menor) coma o IBI atopámonos con que na liquidez de 2008 haberá un novo desfase económico grande entre o previsto recadar e o que realmente se recadará”.
Antonio Veiga considera que “unha de dous ou quedarán débedas grandes ou servizos sen dar ou se darán en moi malas condicións como está a ocorrer co servizo de augas. Queremos recordar que no cobro das taxas correspondentes está previsto recadar preto de 300.000 euros e nós entendemos que é totalmente insuficiente para cubrir todos os gastos do abastecemento de auga e todas as modificacións que haberá que facer nunha rede que é obsoleta”. O voceiro do BNG en Barreiros engade que “un servizo tan esencial coma o da auga e tendo en conta que o proxecto de 3.600.000 euros para unha nova rede se foi ao traste, entón haberá que investir moito nestes vindeiros anos ou con medios propios ou non sei de onde tentará sacar os fondos a alcaldía. Haberá que investir moitos cartos para manter en bo estado o servizo de augas”.
Veiga Outeiro entende que “estes presupostos foron feitos ao abeiro de moitas irregularidades e ademais son nulos de pleno dereito, pois así o di a propia lei, cando non está garantido que se poidan cubrir todas esas partidas de gastos que se propoñen e senón están garantidos os ingresos. Entendemos que estes presupostos habería que facelos de novo. Son unha auténtica chapuza administrativa, pero os que van levar a peor parte son os veciños de Barreiros”.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
