BARREIROS .- O alcalde de Barreiros, Alfonso Fuente, pedirálle mañá á ministra de Fomento, Magdalena Álvarez que “e comprometa diante dos veciños de Barreiros a solucionar todos os problemas que a autovía do Cantábrico lles está a causar a moitos veciños do noso concello”. O rexedor asegura que “o que viña sendo algo normal que eran os traballos de construción desta autovía, onde se coordinaban ata hai pouco os accesos dos camiños e agora Iso non se fai. Non entendo o porqué da urxencia da inauguración deste tramo da A-8 cando se están a deixar moitas cousas sen resolver”.
Fuente Parga engade que “hai temas que desde Fomento se está a dicir que si, coma as baixantes da auga que vimos reclamando en varias ocasións, de feito eu dirixín varios escritos a Fomento pedíndolle que se solucionara o tema das augas dos montes que baixan cara as casas sen ter en conta porqué canles van e sen calcular as crecidas dos ríos. Deixan camiños sen saída ou barrios que quedan sen accesos. Son cousas que quedan sen resolver precisamente por ese apuro na inauguración da autovía”.
O rexedor de Barreiros demanda que “se solucionen primeiro todos eses problemas. Todos coincidimos en que a autovía é necesaria, pero porque esperemos un mes máis non vai pasar nada. Podemos seguir empregando a N-634, podemos seguila sufrindo porque xa estamos acostumados despois de tantos anos de sufrimento e non pasa nada e así daría tempo a solucionar todos estes problemas que se están a producir en Barreiros”. Alfonso Fuente vaille pedir mañá a Magdalena Álvarez que se comprometa a solucionar todos os temas pendentes “porque hai moita xente prexudicada e hai só uns días xa vimos como se produciron inundacións nalgunhas casas porque non quixeron atender as reivindicacións que se fixeron desde o Concello. Nós somos os coñecedores de como baixan esas augas e de como hai que canalizalas. Non se quixo escoitar, só quixeron tirar para adiante facer a obra e vir a inaugurala”.
O alcalde barreirense considera que
O acto de inauguración do tramo Reinante-Barreiros da A-8 está previsto para mañá venres ás 12:30.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
