Nota de Prensa
NEVES CANDO TILDA DE CARROÑERÍA POLÍTICA AS ACUSACIÓNS VEQUIDAS POLOS POPULARES SOBRE A PERDA DUNHA SUBVENCIÓN EN MATERIA DE VIOLENCIA DE XÉNERO.
Burela, 11 de novembro de 2008. A delegada de Igualdade, Neves Cando, asegura que lle <resulta extraño que o PP se entere agora desta subvención que nos foi comunicada no mes de agosto. Parece que o grupo do PP non traballa moito porque ten retrasados os deberes ou é que queren aproveitar que estamos no mes de novembro onde todo mundo se une arredor do día 25 para proclamar o noso rexeitamento contra a violencia machista para facer deste tema un tema de carroñería política porque non teñen nada mellor que aportar>.
A edil nacionalista sinala que <Elisa Crego e o PP descoñen o contido da subvención e a proposta feita polo Concello para solicitala, porque nunca nada preguntou nin se interesou por este tema. Desde a delegación de Igualdade presentóuse un programa de xornada informativas nos centros de ensino porque cremos que o primeiro paso é actuar coa mocidade para previr no futuro comportamentos que deriven na violencia de xénero. Este programa váise levar a cabo porque xa estaba previsto para novembro e a non concesión da subvención pedida por importe de 3.000 euros non vai supoñer que non se realice. É máis esta actuación váise ver implementada coa colaboración do centro Quérote de Burela. Cremos que xogar coa violencia de xénero por non concedernos unha subvención é dunha carroñería política que non nos estrana por parte do PP, porque é o único que sabe facer últimamente>.
Segundo plan de igualdade
A Neves Cando parécelle estrano que Elisa Crego diga que <eu non son capaz de definir as liñas políticas nesta materia, cando ela que coñece de primeira man as liñas de actuación que plantexamos no segundo plan de igualdade de oportunidades entre homes e mulleres que acabamos de aprobar por unanimidade no pleno de outubro. Lémbrolle que unha liña de actuación deste segundo plan é o abordaxe integral da violencia de xénero co obxectivo de previr e abordar esta problemática desde as súas distintas causas, tipoloxías, manifestacións e consecuencias así como garantir a asistencia e a protección das víctimas con actuacións de carácter integral; que ten obxectivos específicos como a sensibilización e concienciación sobor deste asunto e con actuacións en materia de difusión dos recursos con obradoiros para a mocidade e procesos de formación e actualización para os distintos colectivos profesionais implicados na erradicación da violencia de xénero>. A delegada de Igualdade engade que <cando presentamos este segundo plan aos grupos políticos da Corporación de Burela a Sra. Crego nada aportou neste apartado de violencia de xénero ou ben porque non ten nada que dicir ou porque estaba totalmente de acordo coas liñas de actuación que alí se presentaron por certo perfectamente definidas e que o PP votou a favor>.
O PP perdeu subvencións importantes
Neves Cando considera que <non é o PP o máis indicado para falar da perda de subvencións porque aí eles gañan por goleada. So hai que lembrar cando gobernaban e perderon casi 200.000 euros dunha subvención da Consellería de Industria para mellorar o primeiro tramo da rúa Eijo Garay que despois tivemos que pagar os veciños e veciñas de Burela porque non foron capaces de facer o seu traballo cobrando como cobraban daquela cinco persoas 120.000 euros ao ano por traballar por Burela>.
A concelleira nacionalista di que <o PP non ten crédito para falar de todo isto porque non foi capaz de desenvolver unha soa lei nesta materia nos anos que estivo na Xunta nin de asignar recursos económicos para as víctimas da violencia de xénero. Ou é que non había víctimas ou é que non lles importaban moito. Agora dígolle a Elisa Crego que desde o goberno galego se están a realizar programas de axuda psicolóxica para as víctimas, están en marcha os programas Rodela e Clara. O ano pasado concedéronse 320 axudas ás víctimas por importe de máis de 2 millóns de euros e outras 57 axudas de protección integral por 300.000 euros. Si esto é o escaso grao de implicación do BNG coa violencia de xénero ¿qué fixo o PP?>.
Neves Cando pídelle aos populares que <deixen de utilizar a violencia de xénero para facer carreira política porque iso demostra que non teñen a talla moral necesaria para actuar coma dignos representantes do pobo de Burela>.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
