NOTA DE PRENSA:
O promotor so continua os traballos na parcela do castro destruída polas palas entre os días 4 e 8 de xuño de 2007 coa conivencia do goberno municipal co Sr. Balseiro a fronte.
DA A SENSACION DE QUE BALSEIRO COA PNL DEFENDE MAIS OS INTERESES PRIVADOS DO PROMOTOR QUE O MANTEMENTO E VALORIZACION DO CASTRO DA ATALAIA.
O goberno municipal non tivo reparos en conceder as tres licenzas de construción aínda sendo coñecedor do informe de Moenia arquitectura para o PXOM que instaba a preservar a zona no ano 2005.
O CONCELLO RESPONSABEL DA DESTRUCION DUNHA PARTE DO CASTRO
O BNG tachou ao concelleiro e parlamentario popular, Jose Manuel Balseiro, de profesional da demagoxia e a mentira interesada ao presentar unha Proposición Non de Lei(PNL) na que se pretendía a compra pola Consellería de Cultura dos terreos que ocupa o Castro da Atalaia esquecendo as responsabilidades que ten asumidas como membro dun goberno denunciado por destrución dunha parte dese xacemento en xuño de 2007. Os principais responsábeis de que hoxe na Atalaia se poda construír nunha das parcelas que antes ocupaba o castro, foron os membros do goberno municipal que incumprindo unha orde de paralización da Consellería de Cultura permitiron durante 4 días o desmantelamento de todo vestixio arqueolóxico cos camións transportando o material a unha escombreira de Moras(Xove) por unha rúa con dirección prohibida e superando a tara máxima permitida sen ningún permiso municipal.
CONCEDERON LICENZAS SEN INFORMAR A PATRIMONIO
O Sr. Balseiro ten a desfachatez de esixir responsabilidades a Patrimonio argumentando o coñecemento da existencia dun informe arqueolóxico da zona, cando ese informe elaborado pola empresa Moenia Arqueoloxía, forma parte do expedente da documentación do PXOM encargado polo propio concello de Cervo e a pesar da súa existencia e coñecemento dende o ano 2005, nin informaron a Patrimonio nin tampouco ao promotor cando este solicitou as licenzas que lle foron concedidas con total normalidade. Cabe por tanto lembrarlle ao Sr. Balseiro as responsabilidades municipais en materia de protección do patrimonio que son as mesmas que se lle esixen a administracións superiores e nomeadamente a LRBRL no Art. 25.2 “O Concello exercerá, en todo caso, competencias, nos termos da lexislación do Estado e das Comunidades Autónomas, nas seguintes materias: 25.2.e Protección do patrimonio”, ou o Art. 7 da Lei 8/1995 do Patrimonio Cultural de Galiza que en relación a actuación dos concellos di “Notificarán á Administración competente calquera ameaza, dano ou perturbación da súa función social que tais bens sufran”; Evidentemente nin ao Sr. Balseiro nin ao resto do goberno municipal lle interesaba nada esta lexislación cando o 28/11/06, o 1/12/06 e o 18/04/07 concederon as licenzas, pasando tamén por alto a aparición en agosto de 2006 do concheiro do Castro do que xa contaban con informe arqueolóxico.
A INICIATIVA DE BALSEIRO SO BENEFICIA AO CONSTRUTOR
Balseiro con esta iniciativa so trata de compensar ao promotor das perdas que lle esta a ocasionar a aparición do castro ao impedírselle construír os proxectos previstos naquelas parcelas que non foron destruídas en xuño de 2007, e que xa foron tratadas con métodos arqueolóxicos, atopándose numeroso material e construcións que xa están a vista. Si o goberno municipal tivera a mesma preocupación cando estaba na súa man a concesión das licenzas, nin o promotor nin os veciños teriamos que lamentar unha situación de difícil solución que require diálogo e acordos onde todalas partes poñan cedan en beneficio do interes colectivo e non do individual como adoita a defender o Sr. Balseiro.
BALSEIRO NESTE ASUNTO PERDEU A CREDIBILIDADE FAI MOITO TEMPO
Para o BNG, o Sr. Balseiro chega tarde pretendendo atribuírse unha suposta defensa do patrimonio que nunca existiu, xa que ademais de ser protagonista dun goberno que participou activamente nunha campaña de negación obcecada da existencia do xacemento da Atalaia, forma e formou parte dun goberno que foi cómplice e testigo directo da súa destrución parcial e mirando cara outro lado durante os días que as maquinas escavadoras traballaban sen descanso e os camións baixaban por dirección prohibida superando a tara máxima permitida nuns feitos que a Fiscalía de Lugo admitiu a trámite como delito contra o patrimonio histórico polo que se siguen dilixencias no Xulgado nº1 de Viveiro.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
