CERVO .- Veciños de Cervo depositaron 210 quilos de aceite domestico usado nos contedores dispostos polo concello. O delegado de Medio Ambiente, Antonio Basanta, considera que a cantidade de aceite recollida e “moi significativa” e sinalou que ten previsto desenvolver nos vindeiros meses unha campaña de sensibilización da poboación para que continúen e intensifiquen o uso destes colectores.
NOTA DE PRENSA
CERVO RECOLLEU 210 QUILOS DE ACEITES DOMÉSTICOS USADOS NO PASADO MES DE OUTUBRO
Cervo 08 de novembro de 2008.- Cervo xerou nun mes 210 quilos de aceite doméstico usado, depositado polos veciños nos seis colectores destinados á súa reciclaxe e que foron instalados polo Concello en todo o municipio.
Antonio Basanta, edil de Medio Ambiente, mostrou a súa satisfacción pola resposta dos veciños sinalando que “se trata de cantidades moi significativas” tendo en conta as particularidades do concello de Cervo, formado por diversos núcleos de poboación disgregados entre si. “Para ser o seu primeiro mes de funcionamento a reciclaxe do aceite está a funcionar ben. A empresa que se encarga da súa recollida indicounos que comparando con outros concellos nos que están a traballar, Cervo destaca, e que tamén debemos estar contentos porque cando se empeza sempre se recolle menos ata que a xente se acostuma a depositar o aceite deste xeito” sinalou Basanta.
Destacan pola súa concienciación os veciños que depositaron 45 quilos de aceite no colector situado na rúa Xosé María Cao (de Cervo), seguido do que está nas inmediacións do Porto de Arriba (San Ciprián) onde se recolleron 40 quilos, e dos que están situados en Río Cobo e na rúa Concepción Arenal de San Ciprián, con 35 quilos de aceites recolleitos cada un. O colector que menos cantidade de aceites recolleu foi o instalado en San Ciprián na confluencia das rúas do Cobo e do Xunco, onde se recolleron 25 quilos de aceite doméstico usado.
DANOS ECOLÓXICOS
O concelleiro de Medio Ambiente cervense sinalou que a recollida de aceites usados é importante para evitar os danos ecolóxicos que xera o seu vertido incontrolado. As graxas arroxadas polos escorregadoiros acaban atascando os sumidoiros e provocan un rápido desgaste dos filtros das depuradoras. Ademais, nos ríos, o fluído forma unha película superficial que impide o paso do osixeno. Neste senso Antonio Basanta sinalou que os 210 quilos de residuos xestionados a través dos seis colectores cervenses no mes de outubro é unha cantidade que podería ter contaminado uns 231.000 litros de auga.
Por último, Basanta sinalou que o Concello ten previsto desenvolver nos vindeiros meses unha campaña de sensibilización da poboación para que continúen e intensifiquen o uso destes colectores.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
