BURELA .- O conselleiro de Innovación e Industria, Fernando Blanco, acompañado dos responsables do BNG na comarca da Mariña mantivo un encontro onte á noite en Burela con empresarios da comarca para analizar os problemas que están a sufrir coma consecuencia da crise económica e para establecer e analizar as medidas que se están a tomar tanto desde o goberno do Estado como desde o goberno galego, e as alternativas de futuro que propón o BNG para levar adiante unha reactivación económica e superar esta crise na que estamos inmersos.
O Bloque Nacionalista Galego propón a creación do Instituto de Crédito Oficial Galego que “poida ser a canle de financiamento dos proxectos que vaian acometer as empresas e unha das maiores viabilidades para que o crédito chegue ás familias e tamén ás empresas. Esa é unha proposta que xa fixo no seu día o BNG e que nós consideramos urxente e prioritaria e de feito vai estar moi presente nas vindeiras eleccións autonómicas”, explica o deputado autonómico, Manuel Parga. Os nacionalista queren que ese Instituto de Crédito Oficial Galego “supere o marco de actuación do IGAPE. Pode ser un instrumento moi eficaz xunto ás institucións de capital risco que teñen as caixas de aforro do noso país. Ese instrumento daría moitas posibilidade de financiamento e moito osíxeno ás empresas que agora tanto o necesitan”.
Outra das propostas do BNG “para orientar a economía produtiva do país… a que podamos manter por nós mesmos na medida do posible os nosos sectores produtivos e non estar sempre dependendo das decisión que se tomen desde fora. Trátase da lei de caixas, onde as caixas teñan unha orientación e unha participación por parte das institucións galegas para que gran parte das súas actividades teñan relación e conexión cos intereses estratéxicos e económicos do noso país”. Manuel Parga engade que “todos sabemos que as caixas teñen unha función social e tamén unha función investidora e con esta lei de caixas esa función investidora se pode e se debe orientar cara os intereses produtivos e que as caixas non funcionen coma os bancos porque en todo este tempo adicaronse a canalizar unha grande parte das súas inversión cara actividades especulativas”.
Parga Núñez considera que as medidas que se están adoptando por parte do goberno estatal e dos gobernos europeos para facer fronte á crise “con esa inxección masiva de cartos para salvar o sistema financeiro pois non está chegando a quen ten que chegar realmente que son as empresas para que poidan ter liquidez, acometer novos proxectos e afrontar o día a día”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
