NOTA DE PRENSA
O GMPP afirma que o proceso de adxudicación do servicio da auga acumula oito meses de retraso.
Culpan ó alcalde desta situación “irregular” por facer as cousas “con alegria”.
Aseguran que alomenos catro empresas recurriron o pliego de condicións administrativas.
O GMPP burelés indicou hoxe a través dunha nota de prensa que o proceso de adxudicación do servicio de subministración de auga a Burela acumula oito meses de retraso, xá que tiña que estar resolto en Maio de 2008 .
Para os populares, que lembran que a nova adxudicación debería estar en vigor desde o un de Xuño de 2008, esta situación pode prolongarse outros tres ou catro meses máis, porque houbo alomenos catro empresas que recurriron o pliego de condicións administrativas.
Algunha empresa alega que no pliego aparece como valorable unha condición que só reúne unha empresa, o que pode dar lugar a que haxa trato de favor.
O PP considera que, ainda que apoiou o pliego tal e como está, descoñecía tal cuestión, e de ser certa debe ser correxida de inmediato, porque non pode haber ningunha dúbida sobre a transparencia na adxudicación.
Para os populares, esta situación, que pode calificarse cando menos de “irregular”, é culpa do alcalde, por dous motivos: o primeiro, polo retraso acumulado en todo este proceso, o que demostra a súa capacidade de traballo; e segundo, porque o alcalde é quen debe velar pola transparencia na adxudicación, como máxima autoridade municipal. Pola contra, tal e como demostrou no pleno onde se tratou este tema, toma as cousas cunha alegria fora do común, propia de persoas ás que non lles importa en absoluto xogar cos cartos de todos.
Finalmente, os populares lembran que o servicio está prorrogado desde o pasado un de Xuño, e fíxose do mesmo xeito que se prorrogara o da gardería, que fora considerado polo PSOE e o BNG como ilegal. Consecuentemente, non se entende mui ben que o que antes era ilegal agora sexa legal; cal é a diferencia?
En Burela,a vinte de Xaneiro de dous mil nove.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
