NOTA DE PRENSA
A MARIÑA SÓ EXISTE NA CANDIDATURA DO BNG, SEGUNDO OS NACIONALISTAS. SEIS MARIÑANOS FORMAN PARTE DA LISTA QUE ENCABEZA FERNANDO BLANCO.
A Mariña, 26 de xaneiro de 2009. O BNG presenta aos seus candidatos pola Mariña. O responsable comarcal do Bloque, Xosé Ramón Ermida sinala que “só nas nosas listas existe A Mariña. E non facemos esta afirmación polo feito de que un tercio das persoas que fan parte das listas do BNG pola circunscripción de Lugo sexan persoas desta comarca, algo que sí daría para comparar e para pensar por qué teñen as outras forzas políticas a esta comarca i realmente o peso que ten esta comarca no Bloque. Senón que nós cando facemos esta afirmación partimos de que estas listas sí que son o espello do que hoxe é esta comarca xa non solo no plano territorial senón tamén no plano social”. Ermida considera que “nestas listas está presente A Mariña vilega, A Mariña costeira, A Mariña con máis puxanza ou dinamismo económico, pero tamén está presente A Mariña rural, aqueloutra Mariña que funciona coas claves da perda de peso demográfico, de avellentamento que opera na provincia de Lugo”.
O responsable do BNG na Mariña engade que “a nosa oferta se fundamenta en dous eixos: na capacidade e na competencia contrastada das persoas que forman esta candidatura, posto que hai compañeiros e compañeiras con experiencia de moito tempo na área institucional e gubernativa”. Xosé Ramón Ermida di que na candidatura nacionalista pola provincia de Lugo está presente “A Mariña que quere un modelo de goberno distinto coma a que representa o compañeiro Manuel Parga. Tamén está A Mariña que crea riqueza, a das pequeñas e medianas empresas como a que representa Balbino Fernández López ou A Mariña da clase traballadora representada por unha sindicalista de recoñecida traxectoria como pode ser Dores Fernández Abel ou A Mariña que aposta polos servizos públicos. un servizo público para nós fundamental xunto á sanidade é a educación e aí está o director do colexio de Cervo, Xerardo López Enríquez. Tamén está presente A Mariña do tecido asociativo, A Mariña máis viva e A Mariña que representa Francisco Luis Rodríguez Guerreiro, presidente de Mariña Patrimonio, pero tamén A Mariña da muller que aposta por participar no puio…”.
Ermida cre que “a candidatura do BNG transfire ao campo electoral A Mariña tal e como é, pero tamén A Mariña que queremos os nacionalistas, A Mariña que crea riqueza, unha riqueza que efectivamente se ten que fundamentar nesa alianza entre o que é o capital e o que é o traballo e sobre todo nun momento de fonda crise económica comunista que fai necesario apostar por un modelo económico distinto, sobre todo que teña en conta o que é a defensa dos intereses da Mariña social. Pero tamén está A Mariña da igualdade e cando falamos disto tamén temos moi presente en qué coxuntura xogamos e por iso nesta coxuntura é fundamental que A Mariña conte cuns servizos públicos porque van ser a garantía de protección para os que menos teñen, pero tamén unha Mariña que vaia máis alá e que conte cuns servizos sociais que non sexan existenciais senón que sexan servizos públicos para garantir a protección dos máis desfavorecidos e tamén por último, A Mariña que exerce a democracia todos os días e que non limita este dereito ao voto de 4 en 4 anos”.
Os nacionalistas “estamos convencidos de que só a nosa comarca existe nas listas do BNG, pero o que aínda é máis importante nós tamén estamos convencidos de que só o Bloque Nacionalista Galego ten un programa, unha alternativa para A Mariña. Hai quen entende a política coma o xeito de crear outro problema onde existe un, nós entendemos a política como propostas e como solución. Eso foi o que exercitamos nestes pasados 4 anos e nesa liña imos seguir traballando na vindeira lexislatura”.
Candidatos
Manuel Parga Núñez. Candidato número 3 por Lugo.Veciño de Burela, ensinante, foi o primeiro Alcalde e Concelleiro do BNG neste Concello. Actualmente é parlamentario e membro do Consello Nacional do BNG.
Balbino Fernández López. Candidato número 5 por Lugo. Natural de Foz é propietario dunha empresa adicada ao asesoramento fiscal e contable. Exerce de Concelleiro en Foz, formando parte do Consello Local do BNG.
Dores Fernández Abel. Candidata número 8 por Lugo. Profesora de Ensino Secundario, reside en Ribadeo, onde preside a Agrupación Cultural Francisco Lanza. A día de hoxe é Secretaria de Organización da CIG na Mariña.
Xerardo López Enríquez. Candidato número 11 por Lugo. Director do Colexio de Cervo,localidade na que reside, foi concelleiro do BNG na súa localidade. É o actual Responsábel Local do BNG en Cervo.
Francisco Luís Rodríguez Guerreiro. Militante do nacionalismo desde 1973, fecha a lista do BNG por Lugo. Natural de Viveiro, vila na que foi concelleiro entre 1979 e 2007, preside a Asociación Mariña Patrimonio.
Sandra Acebrás Dopacio. Concelleira do grupo de Goberno de Riotorto, leva a área de desenvolvemento rural do goberno nacionalista. Foi co fundadora e é Presidente da Asociación de Mulleres Rurais”Terras de Miranda”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
