NOTA DE PRENSA
O GMP DE BURELA SOLICITA A CELEBRACIÓN DUN PLENO EXTRAORDINARIO PARA SOLICITAR A DECLARACIÓN DE ZONA CATASTRÓFICA.
Considera que o decreto da Xunta provocará retraso no cobro das axudas.
Os populares critican a pasividade do alcalde e de Nieves Cando para paliar os efectos do temporal.
O GMPP burelés presentou no día de onte unha petición de celebración de pleno extraordinario para que a corporación municipal solicite a declaración de zona catastrófica para o conxunto de concellos afectados polo temporal, por entender que o Goberno Central debe tomar medidas urxente para paliar os efectos do temporal.
Os populares consideran que a liña de axudas aberta pola Xunta de Galicia vai provocar, ademais de ser insuficiente, un considerable retraso á hora de cobrar as indicadas axudas, dado que, tomando como referencia o decreto de axudas ós afectados polas ríadas de 2006, moitos dos afectados ainda non percibiron nin un só euro.
Igualmente, o GMPP pide a implicación directa da Deputación Provincial de Lugo, que a día de hoxe segue a estar calada e non tén aberta ningunha líña de colaboración cos concellos, empresas e particulares afectados. Sen dúbida a Deputaci´n pode facer aquí unha boa labor, pero a incapacidade dos seus responsables políticos fai que a institución provincial estea a día de hoxe desaparecida e por riba sen ningún tipo de planificación sobre o que se pode facer, tal e como quedou demostrado o pasado martes no pleno celebrado pola corporación provincial.
No que se refire a Burela, os populares consideran que a actuación do alcalde e de Nieves Cando foi sinxelamente patética. A día de onte, ainda había camiños intransitables pola ramallada desprendida das árbores. Durante o sábado, persoal de concello axudou a determinados particulares, o que nos parece ben, pero outros quedaron totalmente desatendidos. O mesmo pasou coas empresas e comercios, que quedaron totalmente desvalidas ante a situación. Un atropelo dun neno en Arcadio Pardiñas á altura da Rúa das Flores o sábado pola tarde non foi atendido pola Policía Local porque non había ningún municipal de turno. Unha vala publicitaria estivo na acera da travesía municipal á altura de Pomeda catro días tirada. Non se fixo nada para colaborar coa Residencia da Terceira Idade para solucionar os problemas de luz, ainda que se xogou o partido de fútbol sala do sábado á noite (non queremos nin pensar que Nieves Cando ou o alcalde colaborasen para solucionar os problemas dun clube privado e “pasasen” da casa da Terceira Idade). Non chega con decirlles ós afectados que presenten reclamaci´ns na oficina do consumidor, hai que abrir xa unha oficina de reclamacións e asesoramento porque moitos cidadáns non saben que trámites facer. E por último, non se activou o Plano de Emerxencias Municipal, dado que o persoal de obras do concello, agás dúas ou tres persoas, non foi movilizado. En definitiva, un auténtico desastre de xestión dunha situación realmente muy grave e que foi aproveitada para traer aquí ó Sr. Touriño a facer unha ruta electoral. Un desastre de xestión que demostra a incapacidade do alcalde e de Nieves Cando.
Por último, os populares consideran que a Xunta descárgase de responsabilidade ó trasladar a xestión do pago ó consorcio de seguros, porque quenen van sair perxudicadas, unha vez máis, serán as familias máis necesitadas e faltas de recursos, dado que estas non teñen suscrito ningún tipo de seguro sobre as súas casas, pisos, ou pequenas propiedades.
O PP segue celebrando xuntanzas cos veciños.
O PP de Burela segue a súa liña de traballo de xuntanzas cos veciños. Así, despois de ter unha concurrida asamblea de afilliados o pasado mércores, hoxe, venres, ás n ove da noite, estará no Mesón O Poeta para falar cos veciños do barrio do Campón e Vista Alegre.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
