NOTA DE PRENSA:
Os populares sinalan como obxectivo prioritario devolver a confianza dos veciños da Mariña no sistema público de saúde, moi deteriorada nestes catro últimos anos nos que, por chegar, as listas de espera trasladáronse tamén ata os centros de atención primaria: médicos de familia e receitas
O PPdeG COMPROMÉTESE A AMPLIAR O HOSPITAL DA COSTA NA VINDEIRA LEXISLATURA
* Balseiro: “Sabemos como facelo, porque o fixemos cando tíñamos a responsabilidade de Goberno e volveremos a facelo, neste caso, desde a Xunta presidida por Alberto Núñez Feijóo”.
* O PPdeG elaborará un plan de choque específico, no que contará coas achegas e a ampliación de todos os traballadores e profesionais do hospital, para reducir o alarmante aumento dos tempos de espera, que rexistran datos peores ca no 2005.
A Mariña, 16 de febreiro de 2009.- Como medida para corrixir o progresivo deterioro do sistema público de saúde que se está a producir tras os últimos catro anos, o Partido Popular de Galicia quere adquirir un compromiso firme con todos os veciños da Mariña: O futuro Goberno de Feijóo levará adiante o proxecto de ampliación do Hospital da Costa.
O candidato número tres dos populares lucenses, Jose Manuel Balseiro Orol, explica que as instalacións actuais quedáronse pequenas para facer fronte ás demandas dos cidadáns e ás prestacións sanitarias das que debe dispoñer un hospital do século XXI. Nos últimos tempos o hospital mariñán rexistrou índices moi altos na ocupación de camas, actividades cirúrxicas e nas visitas externas, en definitiva, unha actividade que poderíamos cualificar de desbordante. E por iso que, ampliar esta estrutura e mellorar a dispoñibilidade de prazas de aparcamento son dous obxectivos que o PP se compromete a desenvolver os próximos catro anos.
“Sabemos como facelo, porque o fixemos cando tíñamos a responsabilidade de Goberno e volveremos a facelo, neste caso desde a Xunta presidida por Alberto Núñez Feijóo Porque non é admisible que a principal infraestrutura sanitaria da nosa comarca continúe esquecida polos actuais dirixentes do Executivo autonómico” – explicou Balseiro.
PLAN ESPECÍFICO DE LOITA CONTRA AS LISTAS DE ESPERA
A maiores de todo isto o PPdeG comprométese a elaborar un plan específico para atallar as listas de espera. Os populares contarán para perfilalo e levalo adiante coas achegas e colaboración de todos os traballadores a axentes implicados na xestión das citas e das consultas dos especialistas. Inicialmente comprométese a auditar todo o sistema para observar as particularidades que fan do noso hospital o terceiro con maior saturación de toda Galicia, só superado neste aspecto tan negativo polos grandes complexos hospitalarios de Lugo e Vigo.
Para o PP non é aceptable que segundo os datos oficiais que poden ser consultados por todos na web do SERGAS hoxe a metade das especialidades médicas rexistran peores datos ca no 2005. E, o que aínda é máis preocupante, tras a ineficaz xestión de socialistas e nacionalistas as listas de espera deixaron de ser un problema exclusivo do hospital para trasladarse aos centros de saúde.
PRIORIDADE DEVOLVER A CONFIANZA
A intención, en definitiva, é devolver a confianza dos veciños e veciñas desta comarca na sanidade pública. A fórmula escollida é facendo deste un obxectivo prioritario a diferenza do que hoxe acontece. “Co PSOE e o BNG o hospital é un problema que hai que ocultar, do que non se pode falar, no que hai que manipular os datos e as estatísticas. Co PP o Hospital será o centro neurálxico do sistema de saúde público da nosa comarca, unha prioridade na xestión e no investimento da Xunta de Feijóo”
A DOBRE FACIANA DO BNG
A modo de réplica, e tras ter constancia de que o BNG mantén este mesmo compromiso -Ampliar o Hospital da Costa- os insisten na importancia de que non se deixen enganar por aqueles que fan das súas promesas un “reiteración rancia e pouco de fiar”. Neste senso, acude ao Diario Oficial do Parlamento para explicar que, como última ocasión, o 16 de decembro de 2008, tanto o Sr Parga como o resto dos deputados do seu grupo, votaron en contra de achegar fondos -2M€- para ampliar o Hospital da Costa. Esta foi a quinta ocasión na que os nacionalistas “venderon” á Mariña, e antepuxeron os seus intereses particulares a aquilo que A Mariña precisa”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
