BURELA .- (FNC) Teatro, música e cinema serán as ofertas culturais “das que poderán disfrutar os veciños e as veciñas de Burela e todos os que se queiran achegar ao noso Concello ao longo desta primavera”, segundo explicaba hoxe a concelleira de Cultura, Neves Cando.
Dita programación da comenzo este venres coa obra de teatro Purgatorio de Pistacatro Produtora de Soños, que se poderá ver na Casa da Cultura a partires das 21:30 horas. O teatro para adultos seguirá o 27 de marzo, á mesma hora coa representación de E ti, ¿quén ves sendo? de Talía Teatro. O venres 17 de abril será o turno para Teatro do Atlántico que porá en escea Unha primavera para Aldara e o 15 de maio chegará a Burela No comment de PT Excéntricas.
Neves Cando suliñou que o seu departamento “aposta polo teatro infantil unha vez máis, dada a grande resposta que tivo nas tempadas pasadas e así teremos ao longo dos vindeiros meses catro representacións teatrais para os nenos e as nenas de Burela”. O teatro infantil comenzará o sábado 21 de marzo ás 18:30 no Auditorio da Casa da Cultura coa obra Babiliglub de Galitoon; o sábado 25 de abril a Compañía do Elefante Elegante porá en escea a obra Tristán ten cara de can; o 9 de maio chega a Burela Boas noites de Baerribambán Teatro e o 23 de maio Ghazafelhos representará a obra A orixe dos ghazafelhos.
No apartado musical, segundo a edil nacionalista, “a música de Burela é a aposta para esta primavera”. O venres 13 de marzo terá lugar a actuación a partires das 21:30 horas da Burela Blues Band e o venres 3 de abril será o turno para Marosa Jazz Project. Xa en xuño, o xoves 4 ás 10 da mañá será o concerto didáctico da Escola Municipal de Música e o mércores 17 ás 20:00 horas o concerto fin de curso da Escola Municipal de Música.
Medio Ambiente Imaxinado
E o cinema comenza xa este sábado. Neves Cando asegura que “en colaboración coa Delegación de Educación e Medio Ambiente, vánse proxectar tres filmes dentro dun ciclo temático denominado Medio Ambiente Imaxinado que pretende a través do cine achegar realidades e expoñer futuros e facer visible a nosa relación co entorno e a nosa innegable pegada nel”. Este sábado ás 11:30 horas poderase ver a película Wall-e; o venres 20 de marzo, ás 18:30 proxectaráse o filme Glup e o sábado 28 de marzo ás 11:30 horas veráse a película El espíritu del bosque.
Teatro, música e cinema centran a programación cultural de primavera en Burela que comeza venres
Relacionado
-
A Xunta instala 27 paneis divulgativos para informar e sensibilizar á cidadanía sobre o risco de inundación en distintos puntos dos ríos Fontecova, Trasposta e Pe de Boi, en Viveiro
-
O Mercado Medieval de Mondoñedo volve do 7 ao 9 de agosto
-
A romaría do Monte Castelo de Burela: tres días de música, gastronomía e tradición
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
