LUGO .- O delegado da Área de Deporte da Deputación, o nacionalista Antonio Veiga, presentou este mércores a segunda edición do torneo de categorías de base BasketFoz 09 que terá lugar no pavillón municipal de Marzán, situado en Foz, entre os días 4 e 8 de abril. No acto de presentación tamén estiveron presentes a delegada da Federación Galega de Baloncesto en Lugo, Patricia Rico, o director deportivo da Fundación Balogal, Cristino Menor, a concelleira de cultura de Foz, Rosa Alonso e o presidente da entidade organizadora da competición, o Club Baloncesto Celtas de Foz, José Antonio Sama Díaz.
Na súa intervención, Antonio Veiga, resaltou a necesidade de fomentar e impulsar a práctica de calquera disciplina deportiva dende a base. Nesta liña, o delegado da Área de Deporte salientou o labor realizado polo Club Baloncesto Celtas de Foz nos últimos 30 anos en prol do baloncesto na Mariña. Iniciativas coma esta, asegurou o nacionalista, facilitan a consolidación desta práctica deportiva na zona, ao tempo que serven como elemento dinamizador e socializador.
Nesta segunda edición do campionato BasketFoz 09 establécense novamente dúas categorías, a cadete masculino (anos 93 e 94) e junior masculino (92 e 91). No cadro de competición preséntanse oito equipos por categoría. Dous grupos de catro equipos contra todos e as posteriores fases finais. Deste xeito, cada equipo xogará un mínimo de catro encontros, segundo explicou presidente do Club Baloncesto Celtas de Foz. Así, os días 4, 5 e 6 de abril disputarán o torneo na categoría cadete o Estudiantes Lugo, o Ferrol Club Baloncesto Transporte Javier, o Club Baloncesto Corpi (Xixón), o Club Baloncesto Viveiro, o Gayolo Ford Santo Domingo Betanzos, o Aluminio Cortizo Cluny (Santiago), o Grupo Covadonga (Xixón) e o Club Baloncesto Primeira Calidade de Foz. Os días 6,7 e 8 tócaralle a quenda á categoría junior na que participan o Cidade de Lugo, o Ponte Rasacha (Valladolid), o GDB Leça (Portugal), o AP Cambre (A Coruña), o Caixanova Rosalía (Santiago), o Club Baloncesto Corpi (Xixón) e o Club Baloncesto Viveiro.
A Área de Deportes da Deputación de Lugo promove esta iniciativa xunto coa Consellería de Cultura e Deporte, a través da Dirección Xeral para o Deporte, a Federación Galega de Baloncesto, a Fundación Deporte Galego e o Concello de Foz.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
