BURELA (FNC) .- A galescola de Burela oferta máis prazas despois da semana santa, segundo ven de anunciar a concelleira de Benestar Social, Neves Cando. A edil nacionalista dixo que “á volta de semana santa a galescola de Burela ofrece a apertura de catro prazas pola tarde en réxime de media xornada para os nenos e nenas que quedaron en listaxe de espera este curso escolar. Ésta é unha, entre outras, das importantes melloras que se están a producir nesta escola infantil desde que en xaneiro de 2008 pasou a ser xestionada directamente polo Concello e máis tarde pasou a pertencer á rede de galescolas”.
Neves Cando lembra que “a primeira mellora que se produciu foi de carácter económico porque os prezos baixaron de xeito considerable. Antes moitas familias aboaban 84 euros ao mes polo comedor, cando agora o prezo é de 33 euros ao mes. Así a tarifa máxima ao mes da galescola co comedor incluido é de 143 euros, cando antes era de 194. Ademáis suprimíuse a cota de matrícula que todos aboaban a comenzo de curso e que era de casi 32 euros por curso. Tamén houbo melloras moi imporantes no servizo de comedor e na programación de menús saudables. Actualmente sérvese peixe fresco dous días por semana e todos os productos son frescos e de elaboración caseira, non se utilizan productos preconxelados ni precociñados e tamén se preparan menús especiais para celíacos e alerxias alimentarias. Estas melloras no servizo de comedor e a baixada do seu prezo fixo que aumentase moito a súa demanda e na actualidade usano 90 nenos e nenas”.
A responsable de Benestar Social sinala que “en canto ao servizo de transporte tamén se mellorou a súa calidade porque o microbús que fai os percorridos utiliza asentos con cinturóns de seguridade. E fixéronse tamén melloras no equipamento da escola como o que atinxe á caldeira da calefacción ademáis de instalarse máis radiadores pois o sistema que había era insuficiente para quentar os dous edificios dos que dispón a escola. Tamén se cambiou o lavalouzas por un industrial dado o aumento de usuarios do comedor e se procederá no verán á sustitución da cuberta do edificio principal. Todos os veciños de Burela saben que o centro tivo problemas de humidades nas paredes exteriores do edificio e filtracións de auga ao pouco de se construir no ano 2000 evidenciando a despreocupación do daquela equipo de goberno municipal do PP”.
Neves Cando segue a relatar que “tamén houbo unha aposta pola calidade educativa ainda que as ratios estipuladas por lei falan de grupos de 20 nenos e nenas nas unidades de dous a tres anos, nós cremos que é necesaria nestas idades unha atención individualizada e por eso temos dúas educadoras para cada grupo. Con esto melloramos moito a calidade no funcionamento do centro en todos os aspectos imprimíndolle un carácter plenamente educativo e non só asistencial. Outras das novidades de funcionamento é interno é a creación do consello de participación, un órgano mediante os cal os pais e as nais a través dos seus representantes poden participar e facer as súas aportacións á xestión da escola e tamén comezou a funcionar este curso o espazo das familias que nace como froito da colaboración entre Preescolar na casa e as galescolas ante a necesidade de otorgarles os pais e ás nais un punto de encontro dentro do centro onde o persoal educativo, as familias e os nenos se poidan xuntar nun ambiente distendido para reflexionar sobre a súa educación e gozar con eles. A través de internet pódese visualizar o blog do centro e coñecer as distintas experiencias e actividades nas que participan os nenos na escola”.
A edil nacionalista lembra tamén que “a nosa escola infantil permanece aberta durante todo ano, xa que antes pechaba en períodos vacacionais, no nadal, semana santa e agosto. Esta é a aposta que desde a Concellaría de Benestar Social se está a facer pola nosa escola infantil, unha galescola de calidade con mellores servizos e máis persoal e que desminte todas as mentiras que o PP verqueu no seu día sobre esta escola”.
A galescola de Burela oferta máis prazas despois da semana santa
Relacionado
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
