BURELA .- A Mesa pola Normalización Lingüística celebra o martes, día 21, en Burela, a partir das oito do serán, no local sindical da CIG, sito no número 137 da rúa Arcadio Pardiñas, unha asemblea na que informará da campaña que vén de iniciar para animar á cidadanía a tomar parte na manifestación convocada para o vindeiro 17 de maio en defensa do galego.
Nota de Prensa
A Mesa celebra en Burela unha asemblea aberta para dar a coñecer na Mariña as súas iniciativas en defensa do galego
Santiago de Compostela, 20 de abril de 2009.- A Mesa pola Normalización Lingüística celebrará mañá en Burela, a partir das oito do serán, no local sindical da CIG da vila mariñá (Rúa Arcadio Pardiñas, 137 – 2º dereita), unha asemblea na que informará da campaña que vén de iniciar para animar á cidadanía a tomar parte na manifestación convocada para o vindeiro 17 de maio en defensa do galego.
Á asemblea están convocadas e convocados os máis dun centenar de socias e socios que A Mesa ten na comarca da Mariña. A entidade cidadá en defensa do galego conta en todo o país con máis de 3.500 membros que a converten na principal asociación cultural de Galiza. Para alén de estaren convocados as súas asociadas e asociados, o colectivo cívico remarca que a asemblea terá un carácter aberto, polo que pode asistir á mesma calquera persoa que, aínda non estando asociada, comparta os obxectivos da Mesa e queira contribuír á defensa e normalización da lingua propia de Galiza.
Nesta xuntanza da zona organizativa da Mariña, que abranxe un total de catorce concellos, participará o vicepresidente e coordenador de zonas da Mesa, Fran Rei García.
Entre os obxectivos que a asociación cidadá en defensa da lingua se marca para a comarca salientan, ademais de o de lograr “unha comitiva mariñá o máis numerosa posíbel” para a manifestación do vindeiro 17 de maio en Santiago de Compostela, conseguir “un aumento significativo da afiliación” á entidade en todas as localidades así como “trasladar” ás rúas da Mariña “un discurso realista sobre a situación actual do galego”, que leve á xente “a reflexionar, mais tamén a actuar” e que rompa co “engano” que para a A Mesa é “determinado discurso que fala dunha suposta ‘imposición lingüística’ do galego en Galiza”.
A asociación achegará tamén nas próximas semanas ás distintas localidades da comarca o Manifesto pola convivencia lingüística e a igualdade de dereitos para o galego, promovido por un grupo de artistas, intelectuais, deportistas e outros persoeiros significativos da vida social galega, e que xa leva recollidos máis de 13.500 apoios individuais e máis de 300 colectivos.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
