NOTA DE PRENSA
O GMPP solicita que se inicien os trámites do Museo e do Arquivo Histórico municipais.
Piden que se reúna a comisión de redacción dos estatutos e do regulamento.
Lembran que en marzo de 2007 aprobouse por unanimidade a súa creación.
O Grupo Municipal do PP GMPP) de Burela presentará unha moción para o seu debate no pleno do vindeiro xoves na que pide que se convoque no prazo de dous meses a comisión que estaba previsto que redactase os estatutos e o regulamento do Museo e do Arquivo Histórico municipais.
Os populares lembran que foi en Marzo de 2007 cando, a proposta do entón alcalde, José María González Barcia, adoptouse un acordo por unanimidade no pleno do concello para a creación do Museo e do Arquivo Histórico, ainda que a proposta fora criticada polo BNG e PSOE por electoralista.
O GMPP indica que tamén houbera acordo nas tres persoas que constituirían a comisión de redacción dos estatutos e regulamento de funcionamento do Museo e do Arquivo, que por aquela non se constituirá para non politizar unha cuestión que se pretendía tivera carácter de institucional.Comisión que estaría coordinada pola concellalía de Cultura. Pero o curioso foi que en dous anos Nieves Cando non foi quen de convocar tal comisión, nin para ben nin para mal.
O GMPP considera que este feito demostra que o bigoberno incumpleos acordos plenarios, e que non teñen interese nin no Museo nin no Arquivo Histórico porque foi unha proposta feita polo PP.
Os populares tamén indican que a intención era ubicalos na actual sede de Capitanía, tan pronto como esta ocupase a nova sede. A decisión da creación do Museo e do Arquivo tomouse cando houbo a certeza absoluta de que Capitanía cambiaría de sede, xestión que foi levada a diante polo goberno municipal do PP.
Agora, os populares confían en que esta moción se aprobe, porque ainda que Capitanía tardará dous anos en trasladarse, non é menos certo que a organización dun museo e dun arquivo histórico leva o seu tempo. A súa finalidade sería a de ser o referente da historia de Burela, así como un atractivo turístico máis que incluir na oferta burelesa.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
