BURELA (FNC) .- A vindeira semana ábrese o prazo para inscribirse vía internet no curso de verán da Universidade de Santiago de Compostela que se celebrará do 13 ao 17 de xullo no Concello de Burela. Este curso denominado Inmigración e desenvolvemento local: as claves educativas e sociais conta co recoñecemento como actividade homologada de formación permanente do profesorado non universitario por parte da Consellería de Educación e Ordenación Universitaria.
Diploma de asistencia e créditos de libre configuración
Os/as asistentes ao curso de verán terán dereito a un diploma no que constarán o título do curso, o número de horas e a asistencia. Os/as estudantes da USC recibirán, ademais o certificado dos créditos de libre configuración (2 créditos). É requisito tanto para a obtención do diploma como do certificado do crédito a asistencia regular, cando menos, ao 80% das horas lectivas.
Bolsas
Ofrécense 3 bolsas de matrícula gratuíta. O prazo para realizar o pedimento de bolsas remata o vindeiro 22 de maio de 2009. Para a avaliación das peticións de bolsa terase en conta o expediente académico.
Importe da matrícula
Taxa xeral: 120 €. Taxa reducida: 70 €. Aplicable a estudantes de calquera universidade ou en estudos de formación profesional, persoas desempregadas e PDI e PAS da Universidade de Santiago de Compostela.
Prazo de matrícula
Ábrese o prazo:
• En liña por internet: a partir de 25 de maio (www.usc.es/cultura)
• Presencial: a partir de 15 de xuño.
Acaba o prazo: 3 de xullo. Non será posible matricularse fóra destes prazos.
O curso está dirixido por Miguel Anxo Santos Rego, catedrático da Universidade de Santiago de Compostela e o responsable da secretaría é Marcelino Luna, profesor de ensino secundario e director do IES Monte Castelo de Burela. Dito curso terá unha duración de 30 horas lectivas e o límite de alumnos está nos 100.
Segundo explica a concelleira de Educación, Lucía Bouza, os obxectivos pasan por “estudar as claves que definen a importancia dos fluxos migratorios no actual panorama de globalización e a súa incidencia sobre as identidades e trazas as oportunas implicacións socio-educativas da inmigración na vida local de Galicia, plantexando propostas susceptibles de ser artelladas e desenvolvidas de cara á optimización da xestión de iniciativas e proxectos”.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
