Nota de Prensa
O BNG DE FOZ COMEZA A CAMPAÑA DAS ELEICIÓNS EUROPEAS
O BNG de Foz comeza este fin de semana o programa de mitins nas parroquias. O BNG fará mitins en todas as parroquias do Concello que rematarán o próximo día 4 en Foz.
Para este fin de semana os mitins que se realizarán son en Santa Cilla e Nois. O sábado, día 23, será no Centro Cívico de Santa Cilla a partir das 19:00 horas e o domingo, día 24, ás 18:30, en Nois no Centro Cívico “As Airas”.
Para o BNG estamos ante unha campaña moi importante para Galiza e o obxectivo do BNG é que Galiza volva a ter voz propia en Bruxelas.
O BNG é a garantía de que Galiza estea presente nas institucións e que se defendan os nosos intereses porque durante estes últimos cinco anos, os eurodeputados do PP e do PSOE non abriron a boca para falar de Galiza porque o que defenden aquí votano en contra en Bruxelas. O BNG é o único que defende o mesmo aquí que en Bruxelas.
Os dous argumentos claves do BNG son:
1.O BNG vai a Bruxelas para que Europa recoñeza todos os dereitos de
Galiza como nación, a comezar polo dereito a desenvolver a nosa economía
produtiva.
Esta Europa non nos vale porque é a Europa que nos prohíbe construír
barcos, que limita o acceso da nosa frota aos caladoiros comunitarios, que
discrimina o noso sector lácteo e o aboca a competir en inferioridade de
condicións.
2. O BNG vai a Bruxelas para defender un modelo económico e social
alternativo ao deseño neoliberal causante da grave recesión económica que
atravesamos e que ten levado a que se abrisen paso directivas contrarias aos intereses dos traballadores e mesmo que se abrise o debate sobre o prolongamento da xornada laboral até as 65 horas.
O BNG defenderá en Bruxelas que a economía se volva a poñer ao servizo das persoas e non ao revés, para que a economía da especulación dea paso á economía produtiva e para defender os dereitos das clases traballadoras.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
