BURELA (FNC) .- Todo está listo en Burela para a celebración das segundas xornadas gastronómicas da merluza do pincho que se desenvolverán do 22 ao 24 de maio. A concelleira de Mar, Remedios López, asegura que “desde este departamento o que tentamos é dar a coñecer todos os produtos de gran calidade que se venden no noso peirao. Nesta ocasión a protagonista é a princesa do mar ou merluza do pincho fresca de Burela, que é como se promocionou no seu momento para diferenciala nos mercados nacionais nos que entra moito produto foráneo e de menor calidade”.
As racións de merluza venderanse ao prezo de 6 euros e poderá ser degustada preparada de diferentes xeitos en 15 establecementos da vila: Mesón Botafumeiro, Parrillada de Jandro, Mesón Carlos, Casa Miranda, Mesón Don Jamón, Mesón Hamilton, restaurante Os Remos, restaurante Palacio de Cristal, pizzería Pizzbur, restaurante Luzer, Bar Orxal, cervexería A Bodeguilla, Mesón O Poeta, Parrillada A Marquesa e restaurante Sargo.
Remedios López sinala que “desde ABSA ven moi positiva esta iniciativa de promocionar os seus produtos e agasallarán a cada establecemento participante nestas segundas xornadas cunha merluza do pincho”. A edil de mar convida a bureleses “e ao resto dos veciños da Mariña a que se acheguen a Burela estes días a disfrutar da nosa gastronomía. Unhas xornadas que se celebran coincidindo coa feira monográfica Expomar”.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
