NOTA DE PRENSA
O GPPP ACUSA A BESTEIRO DE DARLLE AS COSTAS ÓS GANDEIROS
* Os populares critican que o Presidente da Deputación rexeitara sempre todas as iniciativas encamiñadas a defender, potenciar ou axudar ó sector primario, incluso a instar a outras administracións a facelo, e que agora, pola contra, apremie á Xunta a tomar medidas
Lugo, a 18 de maio de 2009.- O Grupo provincial do Partido Popular amosou hoxe a súa satisfacción porque o Presidente da Deputación de Lugo recoñeza aberta e públicamente o valor estratéxico que para esta provincia ten o sector primario e a necesidade de que as distintas institucións e os diferentes axentes sociais se impliquen, de xeito conxunto, na defensa dos seus intereses.
Lamentan, sen embargo, os populares que a clarividencia da que fai gala agora José Ramón Gómez Besteiro para coa situación na que se atopa o sector lácteo non se tivera manifestado con antelación e que esa sensibilidade e disposición á colaboración entre as distintas administracións da que agora se fixo ferviente defensor brilara, non hai moito tempo, pola súa ausencia.
Lembran dende o GPPP que a Deputación de Lugo deu sempre as costas ó sector primario e que todas e cada unha das iniciativas plantexadas neste senso polo Partido Popular foron rexeitadas por socialistas e nacionalistas.
Para os populares este cambio de actitude expresado por Gómez Besteiro pon de manifesto que antepón os intereses partidistas á defensa dos intereses da provincia e dos seus cidadáns.
Así, segundo salientan, a Deputación de Lugo non só se negou a poñer en marcha calquer medida ou acción directa encamiñada a mellorar ou facilitar a recuperación económica das explotacións gandeiras, na súa dobre vertente de producción cárnica ou leiteira, e incluso do sector pesqueiro, senón que tamén se negou a instar ás outras administracións competentes nesta materia, á propia Xunta de Galicia e ó Goberno central, a que o fixeran.
O GPPP detecta neste cambio de actitude manifestado por Gómez Besteiro un intento frustrado por zafarse da súa responsabilidade e, xa de paso, instar á Xunta, agora si, a que se implique na busca de solucións a este problema. É unha magoa, recalcan os populares, que desaproveitara a ocasión de poñer en práctica o que neste intre parece ter tan claro cando gobernaban os seus compañeiros na Xunta de Galicia porque, deste xeito, non se tería perdido tanto tempo e quizais a situación actual non resultara ser tan crítica e dramática e as consecuencias foran menos graves.
En calquera caso, segundo explican dende o PP, o Presidente da Deputación de Lugo non debe albergar ningunha dúbida sobre a implicación da Xunta de Galicia, e nomeadamente do Presidente Alberto Núñez Feijoo e do conselleiro de Medio Rural Samuel Juárez, na busca de solucións a este problema; e un bo precedente e, segundo indicaron, o feito de que xa hai riba da mesa un paquete de medidas encamiñadas a lograr ese obxectivo.
Dende o GPPP apremian, unha vez máis, a Gómez Besteiro a traballar máis pola provincia de Lugo e a antepoñer os intereses xerais dos lucenses os seus propios. De facelo así, segundo suliñan, non terá que verse obrigado a facer malabarismos para tentar xustificar a súa neglixencia ou a súa desidía no cumplimento das súas funcións como Presidente da Deputación.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
