LUGO .- A Deputación iniciou esta semana os traballos de limpeza das cunetas das estradas provinciais que dan acceso ás praias da Mariña, una tarefa que se acomete por primeira vez de xeito integral. A Vicepresidenta Segunda, Lara Méndez, e o Deputado da Rede Viaria Provincial, Juan José Díaz Valiño, supervisaron este martes os traballos que se están a facer na estrada de San Miguel de Reinante á Praia de Pasada, no Concello de Barreiros, mentres que outro equipo está a traballar hoxe nos accesos á praia de Xilloi, no Vicedo.
Lara Méndez dixo que “a Deputación está a realizar por primeira vez unha limpeza integral dos arredor de 60 quilómetros de accesos ós areais que son de titularidade provincial, e que representan o 95% do total. Esta tarefa, que ata o de agora só se acometía de xeito puntual, é básica para unha mellor conservación dos viais”. Segundo avanzou a Vicepresidenta Segunda, “estes traballos durarán aproximadamente un mes. Haberá dous equipos de limpeza, un na zona occidental e outro na oriental”.
A Mariña, zona prioritaria
O Deputado da Rede Viaria Provincial afirmou que “comezamos a limpeza das cunetas na Mariña porque é a zona prioritaria neste momento”. Para avalar esta afirmación, expuxo varias razóns: “por una banda, A Mariña é unha zona cun alto índice de choiva o que, ademais, contribúe a que a vexetación medre moito. A isto hai que sumarlle que a maleza se vai acumulando cando se fai a roza. Por último, hai que ter en conta que o tráfico se incrementa sensiblemente nos accesos ás praias durante os meses de verán”.
Díaz Valiño anunciou, ademais, que estas tarefas estenderanse despois a aquelas vías provinciais nas que sexa máis preciso como é o caso da Terra Chá.
Segundo apuntou o Deputado “a limpeza de cunetas é fundamental para unha boa drenaxe das augas de escorrentía e, polo tanto, para a conservación das estradas. Se non se limpan, as cunetas vanse aterrando pola acumulación de residuos. É dicir, acaban estando máis altas que a propia calzada, como moi ben se pode ver nesta vía na que estamos agora. Se a cuneta está máis alta, chega un momento no que a auga invade o asfalto, e deste xeito prodúcense fochancas, blandóns etc. Polo tanto, é necesario limpar as cunetas e as taxeas para que a auga circule polo súa canle natural e non destrúa o firme”.
A limpeza realízana as dúas empresas adxudicatarias dos contratos de mantemento integral da rede viaria das zonas 1 e 2, que inclúen os oito Concellos da Mariña que teñen praias. Unha delas encárgase da limpeza dos accesos ós areais de Foz, Barreiros e Ribadeo, e a outra os do Vicedo, Viviero, Xove, Burela e Cervo. Cada empresa ten traballando en exclusiva para este fin un equipo formado por 1 motoniveladora, 1 camión, 1 retroescavadora e 5 operarios.
Máis do dobre de investimento
A Vicepresidenta Segunda subliñou “o importante esforzo inversor que está a realizar o actual equipo de goberno no mantemento integral da rede viaria provincial, que suma 4.200 quilómetros. En 2009 destinamos máis de 10,6 millóns de euros a esta conservación, o que representa o dobre do que investía o anterior equipo de goberno nesta mesma materia. Esto demostra a importancia que ten dentro do organigrama do goberno todo o relacionado coa rede viaria provincial que é a máis extensa de Galicia, e unha das máis extensas de España”.
Lara Méndez lembrou que “este plan de conservación atinxe a 4.199 quilómetros, que se dividen en 13 zonas, fronte ás 20 que había antes, co obxectivo de que os contratos sexan máis eficaces”. Coas actuacións incluídas no plan prímase, por enriba de todo, a seguridade vial nas estradas das que é titular a Deputación. As empresas adxudicatarias atenden todo tipo de incidencias durante as 24 horas do día e os 365 días do ano.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
