Galia sempre foi a máis desgraciada de todas as irmáns. Filla de Latinia, xa no seu nacemento foi relegada ao recuncho máis aloxado e esquecido da casa romana. Era belida, pero un pouco tímida e non sabía facer valer os seus encantos para destacar entre as irmás da familia. Na loita pola supervivencia foi saíndo adiante, pero sempre frouxa e apoucada. Houbo un rei, chamado Afonso, que quixo axudala e con ela falou e escribiu fermosas historias, pero a alegría na casa do pobre sempre dura pouco. Axiña apareceron os valedores de súa irmá Kasilia para enviala outra vez ao cuarto da borralla e ser servinte de mariñeiros e labregos sen poder durante moitos séculos sen luz. Súa irma Lusinia tivo máis sorte, máis valentía. Colleu e procurou a súa liberdade e independencia en casa de seu. Pola contra, o destino de Galia foi chorar e sufrir longas noite de pedra e esquecemento; tragar co desconsideración de ricos, señoritos, gobernantes, administradores e “paifocos desleigados”. Foi sobrevivindo gracias ás xentes humildes e ao teimoso traballo de románticos intelectuais que a coidaron e amaron durante tantos séculos contra toda caste de cipaios vendidos ao poder e ao egoísmo máis insolidario, destrutor, acaparador e mortífero. Matadores de linguas, de espíritos, de almas, fratricidas sen escrúpulos.
De tanta tristeza foi collendo unha profunda depresión, ficou calada, ensimesmada, automarxinada, acomplexada, considerándose culpable da súa propia existencia. Foi perdendo forzas e defensas e acabou enfermando de cancro. A súa lingua empezou a amosar tumores que se ían multiplicando, impedindo articular palabras propias, aumentando o silencio. Un aire de democracia e determinación dos seus fillos máis fieis abriulle os ollos a un raio de luz e agromou a esperanza das mil primaveras. Empezou a recibir o tratamento para a súa curación e supervivencia, aínda que de baixa intensidade; e cando empezaba a recuperar, volveron os cipaios, cheos de forza, de determinación, empurrados polos cartos e polo poder da corte imperial e decidiron cortar polo san. Non máis tratamento, empezar os preparativos para un transplante procedente do corpo de Kasilia.
E así estamos, outra vez na escuridade, na borralla neboenta secular, outra vez volve a burla, o desprezo, os insultos, a discriminación, a humillación. Ambiente pouco propicio para recuperar a saúde. Na boca de Galia non caben as dúas linguas, prodúcenlle problemas de tipo mental e o cancro empeza a súa táctica invasora e a metástase aproxímase ao cerebro.
Queda pouco tempo, agás que apareza un remedio milagroso ou que os fillos máis leais e cariñosos estoupen en carraxe e busquen solución. Mentres hai vida hai esperanzas e calquera familiar honrado procuraría a saúde de súa nai ate a fin do mundo. O outro camiño sen esperanza sería resistir ate que o mal se estenda por todo o corpo agardando a morte. Logo choros, lamentos e culpabilidades. Será tarde para todo.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
