BURELA (FNC) .- O alcalde, Alfredo Llano, valora de xeito moi positivo a participación dos veciños de Burela en todos os actos da festas patronais que remataron onte. Llano sinala que “foron unhas excelentes festas, porque o tempo acompañou á perfección, como si estivese así posto no guión. O sábado tivemos unha lucida alfombra floral, desconfiábamos un pouco do tempo, pero a fé move montañas e tiramos para adiante e tivemos unha das mellores alfombras florais de Galicia”. O rexedor segue a contar que “houbo unha procesión excelente, de moita participación, incrible ver a cantidade de xente que ven a participar fervorosamente nesta cita e o domingo tamén pola mañá tivemos unha boa procesión marítima, ainda que non houbo unha participación masiva de barcos, pero o tempo tamén nos deu unha tregua”.
Alfredo Llano felicita ós veciños “pola súa participación en todos os actos, pola súa boa convivencia e por achegarse tamén ás citas musicais. Estas festas deben ser unha motivación para seguir adiante. Foron merecidas para todos os veciños e son un referente claro non só na comarca da Mariña, senón tamén en Galicia. O peor foi o accidente de onte que lamentamos, pero polo demáis todo foi perfecto”.
O alcalde de Burela contento co desenvolvemento das festas patronais
Relacionado
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
