CERVO .-O alcalde de Cervo, Alfonso Villares, reuniuse coa presidenta de Augas de Galicia, Ethel Vázquez e “logrou o desbloqueo dos proxectos pendentes de executar” e “arrincou o compromiso da presidenta de manter un diálogo fluído” co Concello de Cervo.
NOTA DE PRENSA
O Alcalde mantivo unha reunión en Santiago de Compostela coa Presidenta do Ente Público autonómico, Ethel Vázquez, quen asegurou ser consciente da falta de compromiso do anterior goberno da Xunta de Galicia co municipio
VILLARES LOGRA O DESBLOQUEO DOS PROXECTOS PENDENTES DE EXECUTAR EN CERVO POR PARTE DE AUGAS DE GALICIA
• A representante da Xunta acordou manter un diálogo fluído co Concello de Cervo en orde a concretar prazos para a execución das obras e licitación de varias actuacións, entre as que se atopa o novo saneamento da capital municipal, que debera terse licitado en maio.
• Tamén trasladou á Presidenta de Aguas de Galicia a necesidade de ampliar o emisario de augas residuais previsto no proxecto de saneamento integral de San Ciprián e a necesidade de acometer melloras nas redes de abastecemento de auga.
Cervo, 03 de xuño de 2009.- O Alcalde de Cervo, Alfonso Villares, mantivo unha xuntanza coa Presidenta do Ente Público Autonómico Augas de Galicia, Ethel Vázquez, na sede que este organismo ten en Santiago de Compostela. Nela o rexedor municipal logrou o desbloqueo dos proxectos pendentes de executar por este organismo no termo municipal de Cervo e, de xeito especial, arrincou o compromiso da Presidenta de manter un diálogo fluído co Concello de Cervo en orde a concretar os prazos das obras e da licitación de varias actuacións de grande interese municipal.
Unha das cuestións tratadas ten relación coa nova rede de saneamento prevista para a capital municipal, habida conta do estado de obsolescencia e das deficiencias que presenta a actual. “Durante estes últimos catro anos, estivemos reclamando á Xunta estas obras, pero non foron atendidas as nosas peticións. Incluso chegaron a incumprir o prazo que nos deron para levar a diante a licitación desta obra, prevista para o pasado mes de maio”
Alfonso Villares tamén explicou a importancia de proxectar unha nova ubicación no punto de vertido do emisario submarino da nova rede de saneamento integral de San Ciprián, dándolle conta da problemática xurdida pola coincidencia deste punto coa zona de captación de auga das piscifactorias. A Presidenta adiantou que técnicos de Augas de Galicia xa están a traballar nunha solución para este asunto.
ABASTECEMENTO DE AUGA
Finalmente, o rexedor municipal adiantou a importancia de acometer unha serie de melloras no abastecemento de auga potable de diversos puntos do concello. “A nosa aposta e traballar conxuntamente para mellorar o servizo a moitos dos veciños do núcleo do concello. En especial pedimos colaboración para a substitución da rede de fibrocemento por outra dun material moito máis moderno e lonxevo, tendo en conta que polo de agora as avarías son habituais nalgúns puntos ben localizados, como consecuencia do mal estado dalgún dos tramos que pretendemos reformar”.
Alfonso Villares agradeceu a boa recepción das súas propostas e adiantou que nas vindeiras semanas poderemos concretar máis aspectos dos asuntos tratados na reunión de hoxe. “Esta claro que cambiaron as tornas e por fin será posible contar coa colaboración deste organismo que servirá de pulo a proxectos de grande importancia para os nosos veciños e municipio”
CONSCIENTE DA FALTA DE COMPROMISO DA ANTERIOR XUNTA
Na conversa mantida co Alcalde Ethel Vázquez, asegurou ser consciente da falta de compromiso do anterior Goberno da Xunta de Galicia co Concello de Cervo. A devandita relación caracterizouse ata a chegada dos novos sectores polo incumprimento sistemático de cada un dos proxectos acordados e, polo atraso no inicio das obras de saneamento e abastecemento de auga. “Esta claro que na mente dos responsables do anterior Executivo autonómico estaba boicotear calquera actuación que se puidera levar a cabo en Cervo, con independencia do interese que puidera ter para os veciños”-explicou Villares.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
