NOTA DE PRENSA
Os populares denuncian o retraso do corredor Barreiros-San Cibrao.
Solicitan que se faigan as obras de millora da saída de Burela a Cervo.
Afirman que existe proxecto desde hai tres anos.
O GMPP de Burela, acompañado da senadora Mariña Gueimunde e dos parlamentarios Enma Alvarez e José Manuel Balseiro, reclamou onte ó Goberno Central, e tamén ó concello, que se axilicen os trámites administrativos para millorar o entronque entre a travesía de Burela e a N-642 en dirección Cervo, porque presenta unha situación de perigosidade e xa se teñen producido accidentes no indicado punto.
Os representantes do PP indicaron que para millorar o entronque da travesía de Burela coa variante xa existe un proxecto, elaborado pola Demarcación Provincial de Estradas do Estado desde hai xa tres anos. A senadora Mariña Gueimunde afirmou que sobre este asunto os senadores do PP pola provincia xa formularan unha pregunta, pero que non descartan incidir sobre o asunto, visto o retraso que está a ter a definición do trazado do corredor Barreiros-San Cibrao, de competencia estatal.
Balseiro e Alvarez manifestaron que A Mariña segue a estar esquecida polo Goberno Central de forma inexplicable, e esta obra é unha boa mostra da desidia e da falla de atención. Os políticos populares emplazaron ó Ministro de Fomento, o lucense José Blanco, a mirar máis pola comarca, el, que vén de cando en vez pola costa, pero de comida, e que esquece analizar e estudiar a situacion real das comunicacións na Mariña e a definir de unha vez por todas o trazado do corredor Barreiros-San Cibrao.
Pola súa parte, o portavoz municipal José María González Barcia, xunto con varios dos seus concelleiros, indicou que desde o Concello nada se fixo a este respecto. Barcia indicou que nin se demandou de Fomento a realización de esta obra, que é fundamental para Burela, nin tan siquera se aceptaron mocións do PP solicitando incluir a mesma nos presupostos do Estado. Igualmente, Barcia acusou ó alcalde de Burela de “politicamente incapaz” para demandar unha definición do corredor Barreiros-San Cibrao, porque “o trazado deste corredor é vital para o futuro de Burela, ainda que moito nos tememos que este home achante con todo o que lle impoñan desde Madrid, ainda que perxudique a Burela”. Barcia lembrou que existe un acordo plenario de que tal corredor pase polo sur do concello, polo que este entronque coa variante hai que milloralo canto antes, dada a súa intensidade de tráfico.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
