Alfombras florales Burela 2007 (Foto:José Ramón García Ares)
BURELA (FNC) .- A concelleira de Cultura, Neves Cando, anunciou esta mañá que o Concello de Burela participará a vindeira fin de semana no I Certame Nacional de Alfombras Florais que organiza o Concello asturiano de Castropol.
A edil nacionalista afirmou que “unha comisión representante da nosa alfombra floral acudirá esta fin de semana a Castropol para participar no I Certame Nacional de Alfombras Florais que se vai desenvolver na veciña localidade. Este concello convidounos a participar neste certame xunto con outros grupos representativos do mellor do panorama español no tocante á confección de alfombras florais, desta maneira, xunto con Burela, acudirán representacións das alfombras das localidades galegas de Foz e Ponteareas, Llanes e Castropol de Asturias, Sitges de Cataluña e Orotava e Villa de Mazo das Illas Canarias”.
Neves Cando explicou que “este I Certame Nacional de Alfombras Florais de Castropol comezará o sábado 25 coa recepción institucional de tódolos participantes e cunha visita guiada polo casco antigo de Castropol e un paseo en lancha pola ría. Xa o domingo ás 8 da maña comezará a confección das alfombras nos lugares asignados a cada grupo, en representación da súa localidade, e á 13.00 da tarde rematará este traballo coa inauguración institucional do certame”. Cando dixo que “en representación de Burela acudirá un grupo de 10 persoas que elaborarán unha pequena alfombra de 4 por 10 metros, que son as medidas que se adxudican a cada grupo, con motivos alusivos ao noso concello empregando os materiais habituais das nosas alfombras, flores básicamente pero tamén sal tinguido ou café”.
A responsable de Cultura destacou que “será unha honra acudir representando a Burela neste certame que reúne ao máis significativo da confección de alfombras florais, non só do panorama galego senón tamén a nivel estatal, e á vez é tamén un grande recoñecemento ao grande labor que, ano tras ano, centos de persoas de Burela, desenvolven durante meses para elaborar a maxestuosa alfombra que percorre as nosas ruas o sábado das festas”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
