Nota de Prensa
Balseiro afirma que tanto o parlamentario socialista Ismael Rego como o voceiro de Infraestruturas do Grupo Parlamentario do PSOE fixeron o máximo dos ridículos “non só pola improvisación e falta de rigor á hora de efectuar afirmacións públicas, senón polo descoñecemento que acreditan da situación administrativa dunha infraestrutura que o Goberno do que os socialistas formaban parte adxudicou provisonalmente o pasado mes de marzo
O PARTIDO SOCIALISTA RECLAMA A ADXUDICACIÓN DO TREITO DO CORREDOR DA COSTA ENTRE CELEIRO E SAN CIPRIÁN SEN PERCATARSE DE QUE XA FOI ADXUDICADO POLO GOBERNO BIPARTITO EN FUNCIÓNS
* Segundo os datos que manexa Jose Manuel Balseiro, a Xunta bipartita adxudicou provisionalmente, con data 1/03/2009, as obras de construción deste treito. A adxudicación definitiva tivo lugar o 11/06/2009, por valor de 49.706.615 euros, á UTE Cortizo, Ovisa e construcciones Hispánica.
* Balseiro empraza ao PSOE a actuar con maior responsabilidade no exercicio das labores de oposición e lamenta que despois de catro anos de xestión nos que foron incapaces de iniciar as obras desta vía na provincia de Lugo agora reclamen que o PP así o faga nos primeiros cen días.
A Mariña, 17 de xullo de 2009.- No día de onte os medios de comunicación facíanse eco dunha rolda de prensa protagonizada polo deputado socialista Ismael Rego e polo voceiro de Infraestruturas do PSdeG-PSOE, Pablo Xavier López, na que ambos dirixentes da oposición reclamaban do novo Goberno autonómico a adxudicación do treito Celeiro-San Ciprián, que forma parte do trazado da vía de alta capacidade coñecida como VAC Costa Norte. As devanditas declaracións causaron unha grande perplexidade no Partido Popular quen, a través do seu deputado Jose Manuel Balseiro, explicou que a actuación que veñen de reclamar desde o PSOE xa estaba realizada e, o que aínda é máis sorprendente, a adxudicación que agora demandan –a das obras do corredor no treito Celeiro-San Ciprián- xa foi efectuada polo Goberno bipartito.
RECLAMAN ALGO QUE XA ESTÁ FEITO
Balseiro clarexa que foi o Executivo en funcións integrado polo propio PSOE e máis polo BNG quen con data 1 de abril de 2009 adxudicou provisionalmente esta obra, por un importe de 49.706.615 euros á UTE (Unión Temporal de Empresas) Cortizo, Ovisa e Construcciones Hispánica. A devandita adxudicación provisional elevouse a definitiva o pasado 1 de xuño de 2009. Hoxe tan só está pendente o trámite se replanteo e o inicio efectivo das obras.
ABSOLUTA FALTA DE PROFESIONALIDADE E RIGOR DO PSOE
“É absolutamente incrible, que o señor Rego non teña coñecemento do que fixo o Goberno bipartito, sobre todo tendo en conta que o PSOE formaba parte deste Executivo e ademais xestionaba a que por entón se chamaba Consellería de Política Territorial. Pero o que aínda é moito máis grave e ver como o voceiro parlamentario do PSOE en materia de infraestruturas, Pablo Xavier López, tamén descoñece esta cuestión e polo tanto amosan unha máis que evidente falta de rigor no exercicio da oposición. Esta claro que estes señores querían convocar unha rolda de prensa para falar de calquera tema e, coa falta de profesionalidade que lles caracteriza, decidiron facer esta reclamación sen antes informarse un pouco da situación administrativa desta infraestrutura”-conclúe Balseiro.
DE DEPUTADO AUSENTE A DEPUTADO QUE NON SE ENTEIRA
Tras valorar o erro cometido polos dirixentes socialistas o deputado popular empraza ao PSOE a actuar con maior responsabilidade no exercicio das labores de oposición. “Pois sería gravemente irresponsable que tanto o señor Rego como os seus compañeiros de partido continúen difundindo informacións non veraces e nada contrastadas como fixeron esta vez”.
IMPOSIBLE FACER EN 100 DÍAS O QUE NON FIXERON EN 4 ANOS
Finalmente Balseiro Orol veu de garantir que o novo Goberno de Galicia “que si actúa con rigor e responsabilidade” ten dentro das súas prioridades de acción política a posta en marcha das obras do Corredor Ferrol-San Ciprián. “Non só é unha promesa electoral que cumpriremos nesta lexislatura, senón que ademais temos previsto facelo nun curto espazo de tempo. “De calquera xeito, debemos lembrar que hoxe o Goberno de Feijóo está a traballar cun orzamento elaborado por PSOE e BNG, que incorpora partidas orzamentarias claramente insuficientes nalgúns ámbitos como é o caso do previsto para VAC Costa Norte”. Neste senso Balseiro lembra que tanto os deputados socialistas como os nacionalistas impediron, co seu voto contrario, achegar máis cartos para as obras dos treitos do corredor, tal e como pedía o PPdeG no pasado debate de orzamentos.
Por outra banda Balseiro considera un acto de “hiprocresía e cinismo político reclamar que o Executivo de Feijoo faga agora, nos primeiros 100 días de Goberno o que a suma do PSOE e máis BNG non foi capaz de facer nos últimos catro anos”. O deputado popular explicou que a herdanza do bipartito é máis que evidente, a lexislatura pasada “foi unha oportunidade practicamente perdida para acometer esta infraestrutura vital para a nosa comarca”, xa que, “en catro anos o Executivo bipartito non foi quen de iniciar as obras do corredor non só quilómetro correspondente á provincia de Lugo. En todo caso, nos 90 primeiros días do novo Goberno xa fixemos moito más que o bipartito, pois a adxudicación dun dos tramos que transcorren pola nosa provincia xa é unha realidade”
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
