BURELA (FNC) .- O alcalde de Burela, Alfredo Llano, mantivo esta mañá un encontro con José Manuel Gómez, responsable de FEVE para ultimar os detalles das paradas que efectuará o seu tren turístico durante o verán nesta vila. Serán seis paradas os días 18 e 25 de xullo e o 1, 15, 22 e 29 de agosto.
O rexedor explicou que “o responsable de FEVE presentou unha guía de propaganda do seu tren turístico e ademais, na xuntanza, estiveron presentes dúas guías coas que concretei que os visitantes poderían acercarse ata o Barco Museo, o porto, os barcos boniteiros, os paseos marítimos e as praias”. Llano engadiu que “é unha pena que os sábados non exista poxa de peixe para que os turistas a puideran presenciar pero vou a facer o posible para ver se algún exportador nos bota unha man e é capaz de ensinar o noso producto estrela”.
Alfredo Llano sinalou tamén que “nas excursións virán unha media de 60 ou 70 persoas que visitarán o concello máis ou menos durante dúas horas e cuarto, e creo que é moi positivo para Burela polo que estamos xa potenciando para o ano que ven que os visitantes poidan estar o máximo tempo posible e leven unha boa visión do noso concello”.
Corredor Barreiros-San Cibrao
Por outra banda, o alcalde burelés afirmou que “despois de efectuadas as diferentes consultas cos colectivos que traballan para facer alegacións ó corredor, teño que decir que existe unanimidade de que canto máis ó sur pase será mellor para o concello”. Alfredo Llano anunciou que “imos ter unha reunión o próximo martes ás 20.00 da tarde tódolos colectivos, o goberno e o resto de partidos políticos cos técnicos de OTEA e o do concello para presentar as bases da alegación conxunta que expoñeremos diante de Fomento. Ademais este venres pola mañá aproximareime a Lugo para presentar as propostas ós responsables de Fomento e discutir e ver o que nos interesa co único fin de ter documentación suficiente para alegar con firmeza”.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
