NOTA DE PRENSA
O BNG DEMÁNDALLE Á XUNTA QUE AMPLÍE A SEIS MESES A PRÓRROGA PARA EXECUTAR OS PROXECTOS QUE RECIBIRON AXUDAS PARA A VALORACIÓN INTEGRAL E APROVEITAMENTO MULTIFUNCIONAL DO MONTE
Tereixa Paz considera que a prórroga dun mes establecida por Medio Rural “é insuficiente, inxustificada e pode comprometer que algunha das iniciativas se poida realizar”
Santiago de Compostela, 16 xullo 09.- A portavoz do BNG na Comisión de Agricultura do Parlamento Galego, Tereixa Paz, ven de presentar unha iniciativa na que lle demanda á Consellaría do Medio Rural que amplíe a seis meses a prórroga aos propietarios forestais para que podan executar os proxectos que recibiron axudas para a valoración integral e aproveitamento multifuncional do monte.
Tereixa Paz denuncia que aínda que o artigo 25.7 da orde que regula as axudas, de 12 de agosto de 2008, establece que a Administración poderá conceder unha prórroga de até seis meses, sen embargo “a Consellaría do Medio Rural ten resolto conceder, con carácter xeral, unha prórroga de tan só un mes para a realización dos traballos, agás naques casos nos que o proxecto implique a realización de plantacións”.
“A prórroga dun mes é claramente insuficiente e arbitraria”
A deputada nacionalista considera que esta prórroga “resulta claramente insuficiente, inxustificada e mesmo arbitraria tendo en conta non só o disposto na orde senón tamén o tipo de proxectos (como na elaboración de plans e instrumentos de xestión do monte) que os promotores teñen que executar, e máis aínda se temos en conta que en moitos casos os prexudicados son os e as titulares dos montes veciñais en man común”.
Ademais, a parlamentaria nacionalista advirte de que, dada a perda total ou parcial das axudas en caso de que non se executen os proxectos na súa totalidade no prazo establecido, “ao conceder a Xunta unha prórroga de só un mees pódese comprometer o reintegro dos investimentos xa realizados por algúns promotores e mesmo que algunha das iniciativas se poida executar”.
Neste sentido, e á vista dos prexuízos que pode provocar a decisión da Consellaría do Medio Rural, a deputada do BNG pídelle a Xunta que “rectifique, porque aínda está a tempo, e chegue ao prazo máximo de 6 meses que establece a orde”.
Por último, Tereixa Paz salienta a boa acollida que tivo esta liña de axudas, postas en marcha polo BNG na pasada lexislatura dende a Consellaría do Medio Rural. Mostra diso é que no exercicio 2007 subvencionáronse 383 proxectos con 6,5 millóns de euros e no 2008 os expedientes ascenderon a 391 sendo o importe das axudas de 7,6 millóns de euros.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
