Antonio Veiga, responsable de Deportes da Deputación, inaugurou o circuíto
ALFOZ .- O responsable de Deportes da Deputación, Antonio Veiga, inaugurou o circuíto de motocrós de Alfoz no que o organismo provincial fixo un investimento de 30 mil euros. O novo circuíto está xestionado polo Motoclub Motocrós Endouro, que conta con 50 socios. Nas novas instalación celebraranse este verán dúas probas do campionato galego.
Nota de Prensa
O RESPONSABLE DA ÁREA DE DEPORTES DA DEPUTACIÓN INAUGUROU O NOVO CIRCUITO DE MOTOCROOS DE ALFOZ
A Área de Deportes da Deputación financiou, con 30.000 euros, as obras a través dun convenio co clube de Motocross Enduouro
LUGO, a 5 de xullo de 2009. O responsable da Área de Deportes da Deputación, o nacionalista Antonio Veiga, foi o encargado de inaugurar este domingo o novo circuíto de motocross de Alfoz. Esta nova instalación, xestionada polo clube de Motocross Enduouro, permitirá a realización de probas de de esta especialidade e a práctica dos moitos afeccionados e afeccionadas de A Mariña e de outras comarcas. O deputado Delegado da Área de Deportes da Deputación, Antonio Veiga, estivo acompañado por autoridades locais, polo presidente do clube de Motocross Enduouro, Roberto Prieto, e por membros da xunta directiva, tamén estivo presente o concelleiro nacionalista Iván Marrube.
A área de Deportes da Deputación aportou, a través dun convenio, un total de 30.000 euros para realizar a primeira fase da construción do circuíto. Con esta inversión realizáronse os movementos de terras necesarios e acondicionouse o cerramento da superficie na que se celebrarán as competicións. O novo circuito permitirá a práctica do motociclismo nas especialidades de motocross e do enduro.
O motoclube Motocross Enduouro é o actual adxudicatario da explotación destes terreos para o cal ten unha concesión, dos propietarios, de 15 anos. Segundo o responsable da Área de Deportes da Deputación “ademais do apoio á práctica deportiva, compre que dende as institucións contribuamos á ordenación da práctica deste tipo de deporte que, xeralmente, non contan con espazos axeitados o que, en moitas ocasións, supón un risco para a integridade dos deportistas e, ás veces, implica unha fonte de conflitos cos veciños e propietarios dos terreos onde se practica de xeito irregular”.
Os terreos nos que se atopa o circuíto de motocross están situados do lugar de Chafarica na Parroquia de Carballido no concello de Alfoz e teñen unha superficie de case 5 has de terreo. Tanto os compoñentes do clube de Motocross Enduouro como moitos outros afeccionados ao deporte do motociclismo viñan demandando dende fai anos a creación dun circuíto deste tipo. Coa creación deste espazo evitaranse as protestas e os conflitos creados cos veciños e propietarios de montes nos que ata o de agora algúns afeccionados practicaban o motocross.
O VINDEIRO MES DE AGOSTO CELEBRARANSE NO NOVO CIRCUÍTO PROBAS DO CAMPIONATO GALEGO
O clube de Motocross Enduouro xa ten solicitado da federación galega a celebración de dúas probas do campionato galego de motocross para este verán no novo circuíto. A práctica totalidade dos asociados están federados nas correspondentes especialidades deportivas. Este clube, un dos máis importantes da provincia, conta con asociados de toda a provincia, aínda que a maior parte deles son de concellos de A Mariña. Este clube conta, neste momento, con máis de 50 asociados que practican e compiten en distintas especialidades do motocross e do enduro. Entre os membros da asociación figuran, entre outros destacados pilotos, o campión galego de enduro do 2007 Antón Lorenzo.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
