NOTA DE PRENSA
As declaracións que veñen de facer públicas os responsábeis da Consellaría de Traballo e Benestar onde xustifican as razóns polas que este departamento da Xunta non ten previsto proceder a apertura da Escola Infantil de Foz non son máis que unhas escusas de mal pagador que a súa vez evidencian a mala fe coa que actúan en relación co centro de Foz.
A Xunta de Galiza falta a verdade cando afirma que existe un problema orzamentario para proceder a abrir o centro de Foz senón como explican que veñen de gastar case 3 millóns de Euros en cambiar a sinaléctica e toda a imaxe corporativa dos centros deste tipo que actualmente existen en Galiza. O problema está que a escolarización para os menores de tres anos e a defensa dos servizos públicos non é unha prioridade para os actuais rexedores da Xunta. Para o PP os nenos e os maiores non son máis que un negocio.
Asemade volta a mentir o Goberno da Xunta cando sitúa o problema na afirmación de que non hai equipamento para o centro do Bahia cando este é un gasto menor e o que leva máis tempo é o proceso de selección de persoal para traballar no centro e a proclamación da lista definitiva de nenos e nenas admitidos unha vez que cos reservas xa realizadas supéranse as 60 prazas que se ofertaban na escola infantil do Bahia.
O Bloque Nacionalista Galego considera que a Consellaría de Traballo e Benestar non ten o maior interese en desenvolver a rede pública de escolas infantís e nese contexto e onde hai que explicar a decisión referida ao centros de Foz. Xa que logo o BNG vai solicitar do Goberno Local unha Xunta de Portavoces a fin de demandar unha entrevista coa Conselleira de Traballo e Benestar para que poña riba da mesa prazos reais e explique a situación. Na mesma liña demandamos do PP de Foz un posicionamento claro a fin de que este lle explique aos veciños de Foz se lle parece ben que o centro permaneza fechado e no caso contrario se posicione con claridade esixindo a apertura inmediata da escola Infantil do Bahia.
Os nacionalistas consideramos que a decisión do PP en relación co Escola Infantil do Bahia significa a volta a vella medicina coa que este Partido actuou en relación con Foz negándolle o pan e o sal e privándoo de servizos públicos. Non é novo o caso que nos ocupa, chove sobre mollado, no camiño que se iniciou coa negativa de dotar a Foz de urxencias e que a hora continua con este ataque aos nosos nenos. Saiban os responsábeis autonómicos que os veciños de Foz nin agochamos a cabeza nin estamos dispostos a que se nos trate como cidadáns de segunda.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
