LUGO .- O presidente da deputación,José Ramón Gómez Besteiro, mantivo unha xornada de traballo con alcaldes asturianos dos concellos pertencentes á Reserva da Biosfera Oscos-Eo-Terras de Burón. Na xuntanza analizouse a xestión deste espazo natural e expuxéronse os programas medioambientais do organismo provincial destinados a potenciar a riqueza medioambiental da provincia: Lug02 e Km0.
NOTA DE PRENSA
Gómez Besteiro compromete o apoio da Deputación na xestión de Terras de Burón
– O titular provincial mantivo unha xornada de traballo cos rexedores de catro Concellos asturianos, incluídos na zona Eo-Oscos-Terras de Burón, na que se explicaron os programas Lug02 e Km0
– Os proxectos medioambientais da Deputación, destinados a potenciar as Reservas da provincia e a converter o medio ambiente nunha oportunidade económica, despertaron grande interese entre os asistentes á xuntanza
– Esta é a segunda visita, despois da do encargado de desenvolver o proxecto da Fundación Al Gore en España, Juan Verde, que respalda a xestión mediambiental da Deputación
O Presidente da Deputación, José Ramón Gómez Besteiro, compartiu este martes unha xornada de traballo con Alcaldes asturianos dos Concellos pertencentes á Reserva da Biosfera Oscos-Eo-Terras de Burón. Na xuntanza analizouse a xestión deste espazo natural e expuxéronse os programas medioambientais do organismo provincial destinados a potenciar a riqueza medioambiental da provincia: Lug02 e Km0.
Esta é a segunda visita, despois da do asesor de Barack Obama e encargado de desenvolver en España o proxecto da Fundación Al Gore, Juan Verde, que respalda as políticas medioambientais da Deputación. O obxectivo da reunión é mostrar ós Concellos asturianos exemplos de xestión e proxectos desenvolvidos en Terras do Miño e Ancares, así como as iniciativas que o organismo provincial puxo en marcha para impulsar as tres Reservas da Biosfera da provincia e a comarca do Courel, partindo da base de que o medio ambiente tamén é unha oportunidade económica para Lugo. Gómez Besteiro destacou que “fue un orgullo que en la última concurrencia de fondos europeos el MAP nos avalara un proxecto medioambiental como Lug02. Podíamos dedicarlo a hacer carreteras, pero optamos por fondos medioambientales y tecnológicos. En este camino, Lugo y Asturias están condenados a entenderse. Por eso vamos a colaborar con otras Reservas que no gestiona la Diputación como Terras de Burón.”
Os proxectos Lug02 e Km0 despertaron grande interese entre os rexedores asturianos. Neste senso, o titular provincial subliñou que “reinvertimos el dinero. Y es que el medio ambiente no sólo es un punto de unión entre Concellos, sino también entre las dos Comunidades. En este ámbito de generar economía está el futuro de una parte de Lugo sin lugar a dudas”.
O Alcalde de Castropol, José Ángel Pérez García, que actuou como voceiro dos rexedores asistentes, agradeceu o recibimento da Deputación e explicou que os 14 Concellos que integran a Reserva xa teñen constituída unha asociación co obxecto de facer un plan de desenvolvemento para esta comarca e de buscar financiamento externo. Asimesmo, indicou que “esta es una visita de aprendizaje a Terras do MIño, una oportunidad en la que intercambiamos experiencias y procuramos copiar lo que está funcionando bien. Queremos establecer cauces de comunicación y colaboración para poder hablar dentro de unos años de un proyecto común entre las dos Reservas, incluyendo a la Diputación como catalizador y miembro del órgano de gestión de Terras de Burón”.
Na xornada de traballo, ademais o rexedor de Castropol, tamén participaron os de Vegadeo, Juan de la Cruz Antolín Rato; Taramundi, Eduardo Lastra Pérez; e Santa Eulalia de Oscos, Antonio Riveras Díaz, ademais de técnicos municipais destes Concellos.
Recepción Km0 e visita a Terras do Miño
Os rexedores e técnicos dos Concellos asturianos tamén participaron na recepción dun grupo de Km0. O Presidente da Deputación recibiu no Salón de Actos a membros do colectivo “O Cantal de Ribadeo”, que visitou a oleiría de Bonxe e a comarca do Courel, onde coñeceron os castros de Vilar e da Torre, ademais da aldea de Seceda. A continuación, a comitiva asturiana, acompañada de técnicos da Deputación, desprazouse ata a Reserva da Biosfera Terras do Miño, concretamente ó Centro de Interpretación do río Rato, onde asistiron á presentación de proxectos específicos desenvolvidos neste espazo natural como o Programa LIFE. Tamén visitaron a zona da Fervenza.
A reunión de traballo e a visita a Terras do Miño englóbase dentro do proxecto de dinamización da Reserva da Biosfera río Eo-Oscos-Terras de Burón, cofinanciado pola Fundación Biodiversidade.
14 Concellos na Reserva
A Reserva da Biosfera Oscos-Eo- Terras de Burón está integrada por 14 Concellos, 7 deles na provincia de Lugo, que suman un total de 158.883 hectáreas e 32.972 habitantes. A Deputación apoiou esta declaración en setembro de 2007.
Os Concellos que integran este espazo natural son os seguintes: Asturias (Castropol, Vegadeo, Taramundi, San Tirso de Abres, Vilanova de Oscos, Santa Eulalia de Oscos e San Martín de Oscos), Galicia (Ribadeo, Trabada, A Pontenova, Ribeira de Piquín, Baleira, A Fonsagrada, e Negueira de Muñiz). Estes municipios asinaron un convenio co Ministerio de Medio Ambiente para dotar a esta Asociación de fondos propios por valor de 2 millóns de euros. Neste mesma liña, están intentando que as dúas Comunidades contribúan a dotar a asociación de fondos propios, a través dun convenio que sería sufragado ó 50% polo Ministerio e as Comunidades Autónomas con obxecto de mellorar as condicións da Reserva da Biosfera
Alcaldes de Vegadeo, Castropol e San Tirso de Abres, Taramundi e os tres Oscos xa mantiveron outras xuntanzas previas que serviron para poñer en marcha un plan de servizos que contempla actuacións en mellora das infraestruturas (alumeado público, saneamento, e mellora das novas tecnoloxías “que es uno de los grandes acicates y grandes déficits que tenemos en la Reserva).
A intención da asociación é levar a cabo actividades produtivas e innovadoras “que sean un ejemplo y que permitan al sector privado sumarse a ese carro”, apuntou o rexedor de Castropol. Estas liñas de actuación enmarcaríanse nos sectores agrogandeiro, forestal, cinexético e pesqueiro. Asimesmo, agardan completar este proxecto cun inventario de recursos naturais dos 14 municipios. En base este estudo elaborarase un proxecto de desenvolvemento.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
