Nota de Prensa
ABERTO O PRAZO DE SOLICITUDE PARA AXUDAS A COMEDORES ESCOLARES XESTIONADOS POLAS ANPA´s
* O novo Goberno galego eleva un 10% o orzamento total desta axuda con respecto ao previsto polo bipartito -que as mantivo conxeladas durante os últimos catro anos-
A Mariña, 30 de setembro de 2009.- Segundo explicou a deputada popular Emma Álvarez Chao no día de hoxe xa é posible solicitar as axudas destinadas ao financiamento dos servizos de comedor escolar xestionados polas asociacións de nais e pais de alumnos (ANPA´s) de centros públicos non universitarios dependentes da Xunta de Galicia.
A Consellería de Educación e Ordenación Universitaria incrementou este mesmo curso 2009/2010 as axudas destinadas a este fin. Deste xeito, a cuantía total das bolsaspasará a ser de 1.100.000 euros, un 10 por cento superior que os catro anos anteriores. As subvencións poderán sufragar ata 50% do custo do servizo de comedor do centro escolar correspondente. Ademais son perfectamente compatibles con outras axudas destinadas para este mesmo fin outorgadas por outras entidades ou institucións.
Con esta medida de apoio ao servizo esencial que constitúen os comedores escolares, a Consellería de Educación, rompe con catro anos de Goberno bipartito, nos que o importe das axudas se mantivo conxelado. Este aumento dá mostra ademais do compromiso da Xunta de Galicia e da Consellería de Educación co ensino público galego e coa cobertura das necesidades de toda a comunidade escolar, tendo previsto ademais aplicar un novo incremento no vindeiro curso.
O prazo de solicitude destas axudas é de un mes a contar desde hoxe. A orde de convocatoria destas bolsas pode consultarse no Diario Oficial de Galicia (DOGA) do día de onte, martes 29 de setembro de 2009.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
