NOTA DE PRENSA
Os populares informan ó sector pesqueiro e ó Vencello das reunións mantidas coa Xunta.
González Barcia explicou polo miudo o contido das mesmas.
O portavoz popular anuncia máis reunións para as vindeiras semanas.
Membros do Grupo Municipal Popular de Burela, encabezados polo seu portavoz José María González Barcia, reuníronse hoxe con representantes da Asociación de Veciños O Vencello, na sede do Vencello, e posteriormente con representantes da Confraría de Pescadores e de ABSA, na propia Confraría, para informalos polo miudo do contido das reunións que o portavoz popular, José María González Barcia, mantivo o pasado martes con cargos da Xunta de Galicia, como foron o Presidente de Portos de Galicia, a Directora Xeral de Infraestructuras e a Presidenta de Augas de Galicia.
Barcia explicou con detalle o desenvolvemento das obras de abastecemento de augas ós directivos de O Vencello, e tamén lles explicou a situación actual do acceso ó porto.
Na reunión co sector pesqueiro abordáronse varios temas de importancia para o sector, ainda que nas próximas semanas haberá máis noticias ó respecto, xa que o Presidente de Portos de Galicia, José Manuel Alvarez-Campana, entrevistarase persoalmente co sector para analizar e concretar os asuntos que agora están riba da mesa.
O portavoz do GMPP, González Barcia, calificou de mui cordiais as reunións mantidas co Vencello e cos representantes do sector pesqueiro. Barcia asegurou que os obxectivos que se buscan son comúns, e ainda que o PP está na oposición no concello de Burela, é a lista máis votada con moita diferencia, e tén a obriga de defender e apoiar as demandas dos veciños e tamén do sector socioeconómico máis importante de Burela.
González Barcia anunciou que nas vindeiras semanas haberá máis reunións con representantes da Xunta, “porque hai varios frentes abertos no noso concello que hai que ir abordando, e máis ainda vista a postura que adoptan desde o bigoberno burelés”
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
