RIBADEO (FNC) .- O delegado de Medio Ambiente de Ribadeo púxose en contacto co xurista da FEGAMP (Federación Galega de Municipios e Provincias), para falar dos voluminosos que xa non recolle Sogama desde hai uns días. Horacio Cupeiro sinala que “me comentou que como xa hai tempo, hai mes e medio, que levamos loitando para que Sogama nos siga recollendo estes residuos e xa que o ano pasado se chegou a un acordo debido á autorización ambiental integrada de non recoller máis a partires do primeiro de setembro estes voluminosos, entón o xurista da FEGAMP dime que nós debemos loitar para que se cumpra o compromiso do acordo marco que está firmado dende o ano 1999 entre o Concello de Ribadeo, e case todos os Concellos de Galicia con Sogama. Insistiume en que nós debemos loitar porque esa cláusula se cumpra, xa que esta di que dentro dese acordo marco Sogama se compromete a recoller todos os residuos, e entre eles están os voluminosos”.
O edil nacionalista segue a contar que “despois de falar co xurista da FEGAMP púxenme en contacto co mesmo presidente de Sogama e díxome que contactaron cun gabinete de avogados de Garrigues Walker e que lles din que teñen a razón e que non deben recoller os voluminosos, pero que en todo caso nós debemos defender os nosos intereses. Desde logo que desde o Concello de Ribadeo é o que imos facer, se realmente, como di a cláusula teñen que recollelos, e non soamente recollelos senón tamén adaptándose a un prezo que a nós e aos nosos veciños non nos repercuta excesivamente, pois nós imos estar alí onde sexa necesario para defender os dereitos dos veciños de Ribadeo”. Horacio Cupeiro lembra que “o contrato foi firmado no ano 1999 e que ten 15 anos de duración polo tanto aínda non preescribiu e debemos seguir defendendo que se cumpra ata esa data”.
O concelleiro de Medio Ambiente de Ribadeo engade que “xa que está saíndo na prensa, que os voluminosos ata o de agora, tanto uns gobernos como outros, resulta que os recollían e os enterreban en calquera val por aí. Posto en contacto con xente entendida o que se pretende facer, desde o punto de vista medio ambiental, desde o meu punto de vista, loxicamente tampouco vai resolver nada porque polo visto o aceiro que se saca por exemplo dos colchóns non se pode tratar porque vai contaminado con determinadas substancias e ten problemas de saída no mercado e o resto da parte do colchón o que se pretende facer é comprimilo pero nunca valorizalo, entón sempre seguirá xa sexa espuma, xa sexa a lá, xa sexa o que sexa, irá comprimido e enterrarase igual polo menos é o que me están comentando a min. Dende o punto de vista medio ambiental non chegamos a ningún lado por máis que esta autorización ambiental integrada intente xustificar que se vai facer outra cousa con eso”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
