O VALADOURO .- A vicepresidenta segunda da Deputación, Lara Méndez, visitou os traballos de mellora que se están a está a levar a cabo desde o día de onte na estrada provincial CP0101 de Gontán ó Valadouro, que dá acceso a Cadramón. As obras que se están acometendo nestes momentos inclúen o asfaltado da zona da estrada que se atopa en terra. Lara Méndez subliñou que o socavón producido ó sairse da vía o camión da orquestra que estaba previsto que actuase nas festas patronais tamén será reparado,
NOTA DE PRENSA
A Deputación mellora a estrada provincial de Gontán ó Valadouro
– A Vicepresidenta Segunda supervisou os traballos que se inclúen dentro do Plan de Mantemento da rede viaria da Deputación
– As obras inclúen o asfaltado do vial e a reparación do socavón producido ó sairse da estrada o camión da orquestra que ía actuar nas patronais
– Méndez subliñou que “a Deputación vén con feitos e realidades. Isto é o que marca a diferenza de como se facían antes as cousas e como se fan agora”
A Vicepresidenta Segunda da Deputación, Lara Méndez, supervisou este xoves os traballos de mellora que a institución provincial está a levar a cabo desde o día de onte na CP 0101 de Gontán ó Valadouro, que dá acceso a Cadramón. As obras que se están acometendo nestes momentos inclúen o asfaltado da zona da estrada que se atopa en terra.
Lara Méndez subliñou que, ademais, o socavón producido ó sairse da vía o camión da orquestra que estaba previsto que actuase nas festas patronais tamén será reparado, “polo que quixemos darlle a máxima axilidade a esta obra”. Neste senso, a responsable provincial subliñou que “a Deputación vén con feitos e realidades. Proba disto é que deste vial de 16 quilómetros durante vinte e catro anos tan só se arranxaron dous. Hai tempo houbo outro derrubamento e o Presidente desprazouse ata a Mariña para coñecer de primeira man o acontecido”.
Para Lara Méndez “isto é o que marca a diferenza de como se facían antes as cousas e como se fan agora. O anterior goberno limitábase a sinalizar e a poñer unha estaca con cinta tipo banderilla, mentres que agora cando hai un problema actúase dándolle unha solución. Por fin a Mariña conta para a Deputación, cousa que antes estaba esquecida”.
As obras, que contemplan a construción dun muro de escolleira e a reposición da plataforma, inclúense dentro o Plan de Mantemento da Rede Viaria Provincial que divide á provincia en 13 zonas. O Valadouro pertence á 2 e a conservación dos seus 45 quilómetros de estradas provinciais supón un investimento de 125.491 euros.
Ademais, este municipio recibiu 15.766 euros do Fondo co que a Deputación complementou co 4% o Plan E. Dentro do Plan de Comunidades Veciñais, a institución provincial financiou en 2008 11 proxectos que suman unha axuda total de 29.809 euros. Asimesmo, O Valadouro tamén se beneficia do Plan de Pequenas Obras de Infraestruturas para Concellos de menos de 5.000 habitantes. En 2009, este municipio recibiu 17.000 euros para ampliación da rúa Zaragoza e acondicionamento do aparcadoiro público.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
