LUGO .- O delegado de Cultura e Deportes da Deputación, o nacionalista Antonio Veiga, asinou co alcalde de Alfoz, Emilio Llousas Muíña, un convenio de colaboración por un importe de 16.872,93 euros a través do cal a área de Deportes da Deputación financiará as obras de instalación dun sistema de regadío automático no terreo de xogo do campo municipal de fútbol de Alfoz. No acto de sinatura do convenio, celebrado no salón de plenos da Casa do Concello de Alfoz, estiveron presentes ademais membros de todas as forzas políticas con representación na corporación municipal (BNG, PP e PSOE), así como representantes da directiva do Club Deportivo Alfoz, equipo de fútbol que milita na 2ª Autonómica de Fútbol e principal usuario desta infraestrutura deportiva.
Segundo indicou Antonio Veiga, “a instalación deste sistema automático para regar a superficie de xogo do municipal de Alfoz permitirá optimizar o seu mantemento nas épocas estivais e de choivas pouco frecuentes, de xeito que a herba poida medrar coa cantidade de auga que necesite en calquera estación do ano”. Como indicou o nacionalista, “a Área de Deportes da Deputación recolleu esta vella demanda dos afeccionados e practicantes de fútbol de Alfoz e deu resposta a ela articulando este convenio para poder efectuar as obras no momento que se estime máis oportuno”.
O alcalde de Alfoz, Emilio Llousas, agradeceu este compromiso da Deputación de Lugo cara o Concello de Alfoz, que vai permitir afrontar unha obra para mellorar unhas infraestruturas municipais que doutro xeito, en concellos pequenos coma o de Alfoz nos que os orzamentos están sempre tan axustado, non se podería levar a cabo.
Os membros da directiva do Club Deportivo Alfoz agradeceron tamén ao delegado de Deportes da Deputación, Antonio Veiga, que tivese en conta as súas demandas e afirmaron que unha vez que as obras se finalicen os traballos de mantemento do céspede serán máis levadeiros e conseguirase optimizar o estado do terreo de xogo.
A Área de Deportes da Deputación continúa, deste xeito, co seu traballo a prol de dotar aos concellos lucenses dunhas infraestruturas deportivas de calidade, que posibiliten a práctica deportiva con garantías para toda a poboación.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
As persoas que non puideron obter a súa entrada durante o período de reserva anticipada poderán recoller as entradas restantes o propio día da función, mércores 5 de agosto, a partir das 20:00 horas, na taquilla do Teatro Pastor Díaz. A entrega realizarase ata completar a capacidade do recinto, cun máximo de catro entradas por persoa. O Concello de Viveiro agradece a excelente acollida que está a ter esta representación e lamenta as molestias que esta situación poida ocasionar.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
