BURELA (FNC) .- O Concello de Burela pretende por en marcha novamente, a partires deste mes o Banco Municipal de Tempo, co obxetivo principal de favorecer os intecambios de tempo de forma gratuita entre os veciños do municipio.
A técnica do Banco de Tempo, Vanesa Rodríguez, pretende “incentivar ás persoas a doar gratuitamente un pouco do seu tempo de ocio para axudar a outras persoas que precisan de apoio para necesidades tan básicas como a compaña para facer máis levadeira a socidade, pasar recetas, reparacións a pequena escala como pode ser colocar cadros ou arranxar pequenas avarías eléctricas ou de fontanería. Tamén se pode axudar á lectura, a facer os deberes aos nenos, ensinar o que cada un sabe como informática, ganchillo e ao mesmo tempo nós demandamos axuda”.
O Banco Municipal de Tempo de Burela conta na actualidade con nove socios. Os interesados en inscribirse teñen que dirixirse ao Concello de Burela. Vanesa Rodríguez lembra que “se trata dun servizo totalmente gratuito”.
A primeira xuntanza desta nova tempada terá lugar o vindeiro venres 16 de outubro ás 11 da mañá na sala de xuntas do Concello. A técnica do Banco de Tempo anima “a todo o que queira e poida a que se achegue a coñercer o grupo que hai actualmente e as actividades que ofrece e que demanda, porque sen darnos conta podemos estar incluidos nalgunha delas”.
O corte afectará ao tramo comprendido entre os puntos quilométricos 19,765 e 22,933. As obras, executadas pola empresa OVISA Pavimentos y Obras S.L.U., contan cun investimento da Deputación de Lugo de preto de 190.000 euros.
O colectivo denuncia que, tras anos de espera, continúa sen obter unha resposta xusta ás súas reivindicacións e esixe o recoñecemento da súa categoría profesional, unha reclasificación acorde coa súa cualificación e unha retribución inmediata e adecuada ás súas funcións. Os profesionais reclaman tamén axilidade nas solucións, lembrando que levan demasiado tempo entre promesas incumpridas e parálise administrativa.
A iniciativa, impulsada por Pilar García Porto para celebrar o Día da Transrománica, desenvolveuse en cinco xornadas con 16 rutas guiadas e gratuítas que puxeron en valor o patrimonio románico da provincia. A alta demanda en concellos como Taboada, Sober, Antas de Ulla, Viveiro ou Pantón confirma o interese polo turismo cultural e avala o modelo da Deputación, baseado na valorización do patrimonio como motor económico e social. As rutas permitiron descubrir o románico das Terras da Ulloa, da Ribeira Sacra e da capital lucense, consolidándose como unha proposta estable dentro da estratexia turística provincial.
Nesta edición interpretará obras de Haydn e Chopin, ademais de presentar composicións propias nun programa íntimo e especial que xa se converteu nun encontro imprescindible cada ano. Ao rematar, ofrecerase un brinde e aperitivo para todos os asistentes. As entradas están á venda e pódense reservar no teléfono 644 69 42 80.
Celebrarase o venres 29 de maio ás 17:00 h e será gratuíta. Abordará o papel dos poliquetos no ecosistema mariño, as súas características e os riscos do uso de especies exóticas, con proxeccións e maquetas de varias especies empregadas como cebo. Impartiraa o grupo BIOCOST da Universidade da Coruña e está organizada por Posta de Encontro xunto con RedeMar, Xunta de Galicia, Federación Galega de Confrarías e a UDC. Reservas: WhatsApp no 634 97 08 86; 982 13 19 23; buenas@capturaspesca.com ou directamente na tenda Capturas Pesca, onde se celebrará o evento (Av. Leopoldo Calvo Sotelo 49, Ribadeo).
Celebrouse no marco das festas de Vilamar, en Barreiros.
Trátase dunha mostra apoiada pola Xunta que pon en valor o patrimonio histórico, artístico e xacobeo do templo. Comisariada polo historiador Daniel Manuel Vázquez Vila, a exposición reúne oito paneis de carácter didáctico que repasan a historia do santuario, as súas pinturas medievais, góticas e marianas e a súa relación cos Camiños do Norte. O acto enmarcouse no inicio das festas, que concluíu coa lectura do pregón a cargo de Carmen Rodríguez Cancelo.
