RIBADEO (FNC) .- O alcalde de Ribadeo, Fernando Suárez, mantivo este mediodía un encontro na Coruña co xefe da Demarcación de Estradas do Estado en Galicia, Angel González del Río, co que analizou o proxecto de construción do terceiro acceso á variante anulado hai unhas semanas por Fomento. O rexedor propuxo a celebración dun encontro entre Concello e Fomento coa Dirección Xeral de Patrimonio Cultural da Xunta para que a obra vaia para adiante, aínda que sexa con pequenas modificacións.
Suárez Barcia asegurou que “a reunión foi en tono cordial, valoramos que tentaron darnos todas as explicacións, aínda que moitas delas seguimos sen compartilas. Eles dalgún xeito recoñeceron que si se deberían ter dirixido ao Concello de Ribadeo nunha fase previa para advertir de que había problemas con esta obra”.
O rexedor sinalou que “nós propuxémoslles que isto segue a ser necesario para Ribadeo, e sobre todo á vista de que no día de hoxe recibimos unha carta do xefe de gabinete do ministro de Fomento na que nos indican que segue existindo vontade de darlle unha solución a este acceso da circunvalación, e que teñen intención de manter a consignación presupostaria. Na Demarcación asumen a idea que manifesta Fomento, como non pode ser doutra maneira, pero nós o que lles pedimos é que deben deixar en suspenso este procedemento de desafectación dos terreos que inicialmente se expropiaron en tanto non busquemos unha solución. E aí nós propuxémoslles a posibilidade de ter unha reunión en breve con responsables da Dirección Xeral de Patrimonio para que xunto con Fomento e co Concello retomemos novamente, aínda que sexa con pequenas modificacións, o proxecto orixinal porque entendemos que sería mellor isto que iniciar un expediente novo que levaría varios anos de tramitación, tal e como eles mesmos recoñecen”.
Fernando Suárez engadiu que “quedamos á expectativa de que nos vindeiros días manteñamos un encontro con José Manuel Rey Pichel, o novo director xeral de Patrimonio Cultural da Xunta, para buscar unha saída dialogada a esta situación e para que finalmente os informes de Patrimonio sexan favorables no sentido de poder realizar este proxecto, aínda que sexa con pequenas modificacións”.
Fomento puxo antes o carro que os bois
O rexedor insistiu en que “entendemos que por parte de Fomento púxose antes o carro que os bois, porque se puxeron a expropiar e a adxudicar obras que aínda non tiñan todos os permisos concedidos como así aconteceu. Queremos atopar unha solución canto antes para non ter nunha situación de fonda preocupación a todos os afectados polas expropiacións de todos estes terreos que si nada o remedia desde a propia Demarcación de Estradas do Estado argumentan que os terreos serían desafectados por parte do Ministerio de Fomento e retornarían de novo aos seus propietarios”.
Fernando Suárez acudiu á Coruña acompañado do secretario e do arquitecto municipais.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
