NOTA DE PRENSA
O BNG da Mariña presenta emendas para mellorar os orzamentos do Estado por 5,7 millóns de euros
Os nacionalistas focalizan as súas demandas na mellora das infraestructuras e na necesidade de solucións para as persoas afectadas pola perda de emprego
Coa inclusión de emendas de caracter local a mellora nos investimentos públicos do Estado para A Mariña chega aos 11,5 millóns de euros
O portavoz comarcal do BNG, Antonio Veiga, fixo públicas as emendas que a organización nacionalista presentou aos Orzamentos do Estado para o ano 2010 que reflicten a súa preocupación polo abandono que os diferentes gobernos do Estado teñen con esta comarca en materia de infraestructuras sumindo. Antonio Veiga argumentou a presentación destas emendas nos continuos incumprimentos do goberno estatal en relación á autovía de conexión entre Barreiros e San Cibrao que contempla unha consignación ridícula que en ningún caso permitirá o cumprimento dos diferentes acordos establecidos para a execución deste vial, o BNG quere impulsar a redacción do proxecto constructivo do tramo de 30 quilómetros entre Barreiros e San Cibrao para o que presenta unha emenda de mellora de 600.000 euros.
Por outra banda, os nacionalistas reclaman 600.000 euros para a redacción do Proxecto constructivo de adecuación do dique norte de ALCOA para a súa apertura ao tráfico comercial, Veiga sinalou que “o goberno do Estado incumpre e o PP dende a Xunta dedícase a confundir, e evidente que nin uns nin outros fixeron nunca nada cando tiveron ocasión de facelo”. Veiga lembrou que o 25 de setembro de 2008 o Congreso do Deputados aprobaba por unanimidade o inicio dos trámites para a liberación do dique norte de Alcoa para o tráfico comercial, dándose un prazo de tres meses para iniciar as negociación coa multinacional para a súa liberación, “algo que non se cumpriu como recoñeceu o propio Ministerio de Fomento en xuño de 2009”.
Veiga tamén chamou a atención sobre as infraestructuras ferroviarias, para o cal se piden 1.500.000 euros para un Plan de mellora da vía férrea de FEVE e Plano de reubicación de apeadeiros a fin de achegalos aos núcleos de poboación de acordo coas necesidades reais existentes, o portavoz nacionalista sinalou que “non é o momento de pedir imposíbeis, mais si a mellora do que temos”
A preocupación polo emprego está directamente ligada ao investimento público en infraestructuras mais deben concretarse outras medidas de fomento do emprego
Antonio Veiga tamén chamou a atención sobre as necesidade de políticas activas de emprego para a comarca, “a parálise inversora en infraestruturas tanto por parte da Xunta como do Estado frea a capacidade de criación de postos de traballo na comarca” , e por isto que o portavoz nacionalista reclamou medidas tendentes á xeración de emprego na comarca ligadas aos sectores mais golpeados pola crise económica como son os relacionados coa construcción e o metal, neste sentido concretou a presentación dunha emenda que partindo da dependencia desta comarca da factoria de ALCOA, onde nas súas contratas foise perdendo moita man de obra nos últimos meses, a perda de emprego debe contrarrestarse mediante políticas de inserción laboral dirixidas aos traballadores ligados a este sector mediante un Plano de inserción laboral dirixido a desempregados da construcción e do metal cun investimento de 3.000.000 de euros.
Ás emendas de caracter comarcal súmanse outras de iniciativa local que suman 5.8 millóns de euros.
Así mesmo, o portavoz nacionalista, sinalou que as organizacións local do BNG presentaron emendas aos orzamentos do Estado que suman 5.8 millóns de euros, na maioría dos casos para actuacións relativas a infraestructuras viarias, actuacións medio ambientais e turísticas ou deportivas
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
