CERVO .- O camposanto parroquial de Cervo lucirá os novos puntos de luz “o vindeiro sábado, día 31, coincidindo coa festividade dos defuntos” segundo indicou a concelleira de Patrimonio Cultural e Paisaxístico do Concello de Cervo, Yolanda Pedreira. A colocación de novas farolas que mellorarán a iluminación existente ata o momento, ao tempo que aforrarán enerxía eléctrica.
Nota de Prensa
O CEMITERIO PARROQUIAL DE CERVO ESTREA NOVA ILUMINACIÓN
* O proxecto inclúe a reposición do vello tendido eléctrico por un novo e a colocación de novas farolas que mellorarán a iluminación existente ata o momento, ao tempo que aforrarán enerxía eléctrica
* Esta actuación tivo un custe superior aos 12.000 euros e foi sufragado polo Concello de Cervo con fondos municipais
Cervo, 26 de outubro de 2009.- Operarios municipais están a ultimar os traballos da remodelación e mellora do alumeado público do cemiterio parroquial de Cervo. Segundo indicou a concelleira de Patrimonio Cultural e Paisaxístico do Concello de Cervo, Yolanda Pedreira, os novos puntos de luz do camposanto entrarán en funcionamento o vindeiro sábado, día 31, coincidindo coa festividade dos defuntos.
A obra deu comezo hai un mes e correu a cargo da brigada de Obras e Servizos do Concello de Cervo. Consistiu na substitución do vello tendido eléctrico por unha nova liña de subministro eléctrico soterrada. Colocáronse tamén seis novas farolas, as cales, ademais de mellorar a iluminación do cemiterio e o seu contorno tamén aforrarán enerxía eléctrico, posto que van provistas con luminarias de baixo consumo e cun sistema de encendido automático. Esta actuación tivo un custe superior aos 12.000 euros e foi sufragado polo Concello de Cervo con fondos municipais.
Yolanda Pedreira indicou que esta actuación “aínda que pequena”, era unha obra moi necesaria “xa que foi moi demandada polos veciños de Cervo e polos membros do consello parroquial”. Salientou así mesmo o soterramento da liña de subministro eléctrico, “o cal permite eliminar as barreiras visuais que supoñen os postes e cables, ao tempo que contribúe a por en valor un dos moitos lugares de interese cultural e relixioso dos que dispoñemos no noso concello”.
Pedreira sinalou que o equipo Goberno local ten previsto continuar este tipo de melloras noutras zonas senlleiras do termo municipal de cara a por en valor o patrimonio cultural cervense, “o cal non ten porque estar reñido coa mellora de servizos aos veciños” asegurou.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
